ჯვარზე გაკრული რონალდ მაკდონალდის სკულპტურამ ისრაელში ქრისტიანების პროტესტი გამოიწვია

ისრაელის ქალაქ ხაიფაში არაბ ქრისტიანებსა და პოლიციელებს შორის შეტაკება მოხდა.

The Independent-ის ინფორმაციით, ამის მიზეზი მუზეუმში გამოფენილი ხელოვნების ნიმუში გახდა, სადაც სწრაფი კვების რესტორნების ქსელის „მაკდონალდსის“ სიმბოლო  რონალდ მაკდონალდი ჯვარზეა გაკრული.  

მუზუემში შეჭრის მცდელობისას სამი პოლიციელი დაშავდა.

ჯვარზე გაკრული რონალდ მაკდონალდის სკულპტურის წინააღმდეგ გამოვიდა ისრაელის კულტურის მინიტრი მირი რეგევიც. მან მუზეუმის დირექტორს ექსპოზიციის გატანა სთხოვა, რადგან მისი თქმით, რელიგიის წმინდა სიმბოლოების უპატივცემულობა შესაძლოა უკანონო ყოფილიყო.

მუზეუმის ხელმძღვანელობამ ქანდაკების გატანაზე უარი თქვა და განაცხადა, რომ Sacred Goods-ის გმოფენა ეძღვნება კორპორაციების მხრიდან რელიგიური სიმბოლოების ცინიკურ გამოყენებას, ხელოვნებამ კი ძალადობა არ უნდა წააქეზოს.

ჯვარზე გაკრული რონალდ მაკდონალდის სკულპტურა ფინელმა მხატვარმა იანი ლეიონენმა 2015 წელს შექმნა. ის ცნობილია ნამუშევრებით, რომლებშიც ცნობილი ბრენდების სიმბოლოებს იყენებს.