ტერეზა მეიმ Brexit-ის შესახებ კენჭისყრა გადადო - მედია

დიდი ბრიტანეთის პრემიერ მინისტრმა ტერეზა მეიმ პარლამენტის კენჭისყრა  Brexit-ის შესახებ გადადო.

სააგენტო ბლუმბერგის ცნობით, პრემიერ მინისტრმა კენჭისყრის გადადების გადაწყვეტილება მას შემდეგ მიიღო, რაც ის გააფრთხილეს, რომ იმყოფება „გამანადგურებელი მარცხის“ გზაზე.

ევროკავშირთან Brexit-ის შესახებ შეთანხმებაზე კენჭისყრა 11 დეკემბერს იყო დაგეგმილი. იმ შემთხვევაში თუ პარლამენტი შეთანხმებას მხარს არ დაუჭერს, არსებობს კიდევ სხვა ვარიანტი, რომლის მიხედვით დიდი ბრიტანეთი ევროკავშირს შეთანხმების გარეშე დატოვებს (no-deal),რაც ზოგიერთი ექსპერტის აზრით, ქვეყნისთვის ეკონომიკური კატასტროფა იქნება. დოკუმენტს, რომელსაც ტერეზა მეი საუკეთესო გარიგებას უწოდებს, აკრიტიკებენ, როგორც ოპოზიციონერები, ისე კონსერვატორები.

დიდი ბრიტანეთი ევროკავშირს 2019 წლის 29 მარტს დატოვებს.