სომხეთის საპარლამენტო არჩევნებში ნიკოლ ფაშინიანის ბლოკმა გაიმარჯვა

სომხეთის პრემიერ მინისტრის მოვალეობის შემსრულებლის ნოკოლ ფაშინიანის ბლოკმა „ჩემი ნაბიჯი“ საპარლამენტო არჩევნებში ხმების 70 პროცენტზე მეტი მიიღო. ცენტალური საარჩევნო კომისიის მონაცემებით დათვლილია ბიულეტიენების 100 პროცენტი.

ბლოკმა „ჩემი ნაბიჯი“ მიიღო 884,400 ხმა (70,45 %), მეორე ადგილზეა პარტია “აყვავებული სომხეთი“ – 8,37 % (103 800 ხმა, მესამეზე ნათელი სომხეთი - 6,37% (80 ათასი ხმა).

ყოფილი მმართველი, ამჟამად ოპოზიციური რესპუბლიკური პარტია, პირველად დამოუკიდებელი სომხეთის ისტორიაში პარლამენტში ვერ მოხვდა. მან ხმათა 4,7% მიიღო.

ქვეყნისთვის ეს პირველი რიგგარეშე საპარლამენტო არჩევნებია. მასში მონაწილეობდა ორი ბლოკი და ცხრა პარტია.