ბენზინმზიდის აფეთქების შედეგად 50 ადამიანი დაიღუპა

საქართველო, თბილისი - 17:12 | 11.10.2018

ნანახია: 1154

კონგოში ბენზინმზიდისა და მსუბუქი ავტომობილის შეჯახების შედეგად 50 ადამიანი დაიღუპა. ავარია კინშასასა და მათადის დამაკავშირებელ გზაზე მოხდა.

ავარიის შედეგად აფეთქება მოხდა, რასაც 50 ადამიანი ემსხვერპლა, ასობით კი დაშავდა. ცეცხლი სწრაფად გავრცელდა მიმდებარე ტერიტორიაზე და უახლოესი საცხოვრებელი სახლები გაანადგურა.