დაღუპულები და დაკარგულები - კუნძულ მაიორკაზე წყალდიდობის მძიმე შედეგები

ესპანეთის კუნძულ მაიორკაზე წყალდიდობის შედეგად 10 ადამიანი დაიღუპა , სამი კი ამ დრომდე დაკარგულად მიიჩნევა.

დაღუპულთა შორის ექვსი ესპანეთის, ორი ბრიტანეთის, ერთი კი ჰოლანდიის მოქალაქეა. კიდევ ერთი მამაკაცის ვინაობა დაუდგენელია.

მაშველები სამ დაკრგულს - ერთ ბავშვს და გერმანიის ორ მოქალაქეს ეძებენ.

დაკარგული ბავშვი 5 წლისაა. ის დედასთან და დასთან ერთად მანქანით მგზავრობდა, როდესაც წყალდიდობა დაიწყო. დედამ შვიდი წლის ქალიშვილი გადაარჩინა, თუმცა ის და მისი 5 წლის ბიჭი წყლის ნაკადმა გაიტაცა.

ესპანეთში წყალდიდობის შედეგად ყველაზე მეტად დაზარალდა სან-ლორესნოს, სონ-სერვერას, არტისა და სილიოტის მუნიციპალიტეტები.

ასობით სახლი დაიტბორა, წყლის ნაკადამა მანქანები წაიღო, განხორციელდა ორ ათასი ადამიანის ევაკუაცია, ათობით საავტომობილო გზა გადაიკეტა, სახლების უმეტესობა ელექტროენერგიის გარეშე დარჩა, სკოლებში მეცადინეობა შეწყვეტილია.