ფსკერამდე დავეცით - ემანუელ მაკრონი შავკანიან ბიჭებთან ფოტოსთვის გააკრიტიკეს (ფოტო)

პრეზიდენტი ემანუელ მაკრონი შავკანიან ახალგაზრდებთან გადაღებული ფოტოსთვის საფრანგეთის მოსახლეობამ მწვავედ გააკრიტიკა.

ფოტოები გადაღებულია კარიბის ზღვაში, სენ-მარტენის კუნძულზე მაკრონის ვიზიტის დროს.

ერთ-ერთ ფოტოზე ნახევრადშიშველი  ახალგაზრდა მამაკაცი, რომელიც მაკრონს ეხუტება, შუა თითს აჩვენებს.

ფოტოს გამოქვეყნების შემდეგ სოციალური ქსელის მომხმარებელთა რეაქციას არ დაუგვიანია.

 „ამ ფოტოზე რაც მაღიზიანებს, ის არის, რომ მაკრონმა ამ ორ ახალგაზრდას არ მოსთხოვა სათანადოდ ჩაცმა. ის მთელი ქვეყნის პრეზიდენტია და პატივისცემით უნდა მოეპყრას ადამიანებს“, - წერენ აღშფოთებული მომხმარებლები.

 „ჩვენ ფსკერამდე დავეცით! ახლა დარწმუნებული ვარ მაკრონი არ იმსახურებს ამ პოსტს“, - წერს ერთ-ერთი მომხმარებელი.