იუსტიციის მინისტრი უნდა გადადგეს - თაკო ჩარკვიანი

მოსალოდნელია მთავრობაში სერიოზული ცვლილება, კი ბატონო, მაგრამ პირველ რიგში უნდა გადადგეს იუსტიციის მინისტრი, - ამის შესახებ პუბლიცისტი თაკო ჩარკვიანი სამთავრობო ცვლილებებთან დაკავშირებით, სოციალურ ქსელში წერს.

როგორც ჩარკვიანი აღნიშნავს, თეა წულუკიანს რამდენიმე მაღალჩინოსანი უნდა მიყვეს და ნელ-ნელა დაიწყოს ამ სისტემის ნგრევა.

"ვერ გადარჩებით ამ ამბავს, მხოლოდ სხვების გაშვებით-იუსტიციის მინისტრი უნდა გადადგეს, (იმ სამარცხვინო განცხადების შემდეგ, შოთაძესთან დაკავშირებით რაც მან გააკეთა და მიმართა პროკურორებს, უპირობოდ უნდა გადადგეს) მას უნდა მიჰყვეს რამდენიმე " მაღალჩინოსანი" და ნელ- ნელა დაიწყოს ამ სისტემის ნგრევა- ეს ყველაფერი უნდა იყოს ღია და გამჭვირვალე, რადგან "ერთი წავა და სხვა მოვა, ტურფასა საბაღნაროსა" ასე არ გამოვიდეს, ამისთვის საჭიროა, საზოგადოების ჩართულობა( მეოთხე ხელისუფლების- მზად ყოფნა, გაშუქება გაანალიზება)- ხალხის პროტესტს დიდი ძალა აქვს, ეს ნათლად ჩანს- ახლა გონივრულად უნდა იმოქმედოს ხალხის ხმამ- სამოქალაქო თვალმა, რომელიც უპირველესია დასავლურ სივრცეში. ავაშენებთ ქვეყანას თუ შეუდრეკლები ვიქნებით", - წერს თაკო ჩარკვიანი.