ირაკლი ღარიბაშვილი: სპეკულაცია იმის თაობაზე, რომ მთავრობამ გაიზარდა ხელფასები, სრული სიცრუეა
საქართველო, თბილისი - 11:18 | 19.11.2015 ნანახია: 1553სპეკულაცია იმის თაობაზე, რომ მთავრობამ გაიზარდა ხელფასები, სრული სიცრუეა, - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა.
მთავრობის მეთაური მსგავსი ინფორმაციის გავრცელებას მოსახლეობის მიზანმიმართულად შეცდომაში შეყვანის მცდელობად აფასებს და სახელმწიფო უწყებების ხელმძღვანელებს მოუწოდებს, დაინტერესების შემთხვევაში, თანამდებობრივი სარგოების შესახებ მედიასაშუალებებს ნებისმიერი ინფორმაცია მიაწოდონ.
პრემიერმა ხაზგასმით აღნიშნა, რომ არც ერთი მინისტრი პრემიას არ იღებს, ხოლო რაც შეეხება ხელფასების ზრდას, 113 მილიონი ლარით გაზრდილია ჯარისკაცების, 106 მილიონი ლარით - პოლიციელების ხელფასები, ასევე, პედაგოგების და ექიმების სრომის ანაზღაურება.
„მესმის იმ ადამიანების, რომლებიც ცდილობენ, მოსახლეობას არასწორი ინფორმაცია მიაწოდონ. არის განცდა, რომ მინისტრები და მაღალი თანამდებობის პირები პრემიებს იღებენ. არც ერთი მინისტრი არ იღებს პრემიას, მინისტრის ხელფასი არის 5 ათასი ლარი და ეს ყველაფერი საჯაროა“, - განაცხადა პრემიერმა.
მთავრობის მეთაურის შეფასებით, წლების განმავლობაში იყო დამკვიდრებული პრაქტიკა, რომ თანამშრომელს ხელფასის სახით ეძლეოდა გარკვეული თანხა, რომელსაც უმატებდნენ დანამატს და პრემიას, თუმცა მთავრობამ პრემიის კომპონენტი დაარეგულირა, რათა პრემიების გაცემა ქაოტურად არ ხდებოდეს.
„ხდება დანამატის გაცემა - საუბარია საშუალოდ 300-400 ლარზე, საშუალო და ქვედა რგოლზე, ან დეპარტამენტის უფროსები იღებენ დანამატებს. ვინაიდან, ჯერ კიდევ არ არის დასრულებული საჯარო სამსახურის რეფორმა, რომელიც ჩვენ დავიწყეთ და რომელიც სახელფასო სისტემის მოწესრიგებას ითვალისწინებს, ამიტომ ამ ცუდი პრაქტიკით გრძელდება დღემდე ხელფასების გაცემა. ჩვენი ვარაუდით, 2017 წლისთვის მთელი სახელფასო სისტემა იქნება მოწესრიგებული, ხელფასს დაერქმევა ხელფასი, დანამატს - დანამატი და აღარ მოხდება დანამატების და პრემიების ქაოტურად გაცემა. მანამდე გვიწევს ასეთ რეჟიმში მუშაობა, თუმცა სპეკულაცია იმის თაობაზე, რომ მთავრობამ გაიზარდა ხელფასები, სრული სიცრუეა და უნდა ეყოთ ნამუსი, რომ ამ თემით სპეკულირება დაასრულონ. მოსახლეობა მიზანმიმართულად შეჰყავთ შეცდომაში“, - აღნიშნა პრემიერ-მინისტრმა.
შრომის ანაზღაურების ფონდის ზრდასთან დაკავშირებით დეტალური განმარტება მთავრობის სხდომაზე ფინანსთა მინისტრმა გააკეთა.
ნოდარ ხადურის ინფორმაციით, სახელმწიფო ბიუჯეტში 44 მილიონი ლარია სახანძრო-სამაშველო სამსახურების ბიუჯეტი, რომლებსაც 31 დეკემბრამდე იხდიან ადგილობრივი მუნიციპალიტეტები, ხოლო 1-ლი იანვრიდან გადაიხდის შინაგან საქმეთა სამინისტრო;
„10 მილიონი ლარით გაზრდილია გამომძიებლების ხელფასები; სასამართლოებში, 21 მილიონი ლარით გაზრდილია როგორც მოსამართლეების, ისე სასამართლოს აპარატის თანამშრომლების ხელფასები; გარემოს დაცვის სამინისტროში, აღდგა ადრე გაუქმებული სამსახურები, რომლებიც იცავენ ბუნებას, ესენია - გარემოს ზედამხედველობის სამსახური, სამინისტროს დაუბრუნდა სატყეო სააგენტო, მხოლოდ აქ არის ზრდა, ხელფასების მატებას ადგილი არ ჰქონია; სოფლის მეურნეობის სამინისტრომ, ევროკავშირთან აღებული ვალდებულების შესაბამისად, უნდა განახორციელოს სურსათის უვნებლობის ხარისხის კონტროლი, ეს სამსახურები ასევე გაუქმებული იყო და მათ აღდგენას მოჰყვა არითმეტიკული მატება; კულტურის სამინისტროს ცენტრალურ აპარატში ხელფასები შემცირებულია, 14 ათასი ლარით. სამინისტროს სისტემაში არის 80-მდე სსიპ, რომლებიც ფინანსდებოდა სუბსიდიების მუხლიდან, რაც გასწორდა და ხელფასს დაერქვა ხელფასი, თანხა კი იგივე დარჩა“, - განაცხადა ნოდარ ხადურმა.
მინისტრის ინფორმაციით, ფინანსთა სამინისტროს ხელფასები შემცირებულია 2 მლნ ლარით; ეკონომიკის სამინისტრომ რამდენიმე მნიშვნელოვანი პროექტი დაიწყო, შეიქმნა ინოვაციების და მეწარმეობის სააგენტოები და ზრდა არის ამ მიმართულებით; განათლების სამინისტროში ზრდა გამოწვეულია სსიპ-ებით.
მინისტრმა ასევე ხაზგასმით აღნიშნა, რომ მასწავლებლების ხელფასიწელს ჯამში 25 მილიონით გაიზარდა, ხოლო მომავალ წელს დაახლოებით 45 მილიონი ლარით იზრდება;
„გაზრდილი აქვს შრომის ანაზღაურება საქართველოს პარლამენტს , მაგრამ ეს გამოწვეულია იმ ფაქტით, რომ პარლამენტის წევრებს უწევთ ბინების დაქირავება ქუთაისში, კანონის შესაბამისად კი ეს უნდა უზრუნველყოს სახელმწიფომ; სასჯელაღსრულების სამინისტროს ხელფასები გაზრდილია 2012 წლის სექტემბერში და თუ 2012 წელს ეს შეეხო 3-4 თვეს, წელს ეხება ყველა თვეს; აუდიტის სამსახურში 2012 წელს შრომის ანაზღაურება შეადგენდა 5,1 მლნ ლარს, მომავალ წელს იქნება 11,8 მილიონი ლარი; ადგილობრივ თვითმმართველობებში დაახლოებით 50 მლნ ლარით არის გაზრდილი შრომის ანაზღაურება ჯამში, მაგრამ ეს არის საქართველოს ყოფილი პრეზიდენტის 2012 წლის ნოემბრის განკარგულება, რომლის თანახმად, მნიშვნელოვნად გაიზარდა ზედა ზღვარი“, - განმარტა ფინანსთა მინისტრმა.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა