მარგველაშვილი ეროვნულ-დემოკრატიული ინსტიტუტის-NDI საერთაშორისო სადამკვირვებლო მისიას შეხვდა
საქართველო, თბილისი - 18:18 | 20.10.2017 ნანახია: 1112გიორგი მარგველაშვილმა მადლობა გადაუხადა სადამკვირვებლო მისიას საქართველოში ადგილობრივი თვითმმართველობის არჩევნების მიმართ გამოჩენილი ინტერესისათვის და აღნიშნა, რომ ასეთი მნიშვნელოვანი დემოკრატიის სავარჯიშოს განხორციელებისას, როგორიც თვითმმართველობის არჩევნებია, NDI ყოველთვის უერთდება ქვეყნის დემოკრატიული განვითარების გაძლიერების ძალისხმევას.
საქართველოს პრეზიდენტის განცხადებით, ეროვნულ-დემოკრატიული ინსტიტუტის-NDI საერთაშორისო სადამკვირვებლო მისიის არჩევნებზე დაკვირვებას საქართველო აღიქვამს, როგორც მეგობრების დახმარებას, რომლებიც ქვეყნის დემოკრატიული განვითარების პროცესში მეთოდების და გზების დახვეწაზე ზრუნავენ.
შეხვედრის შემდეგ პრეზიდენტის მრჩეველმა ადამიანის უფლებებათ დაცვის საკითხებში კახა კოჟორიძემ ქვეყანაში არსებული საარჩევნო გარემო შეაფასა.
კახა კოჟორიძის განცხადებით, დღევანდელ შეხვედრაზე განიხილებოდა და შეფასდა მიმდინარე წინასაარჩევნო კამპანიაში მომხდარი დარღვევები და პოზიტიური ტენდენციები. მთლიანობაში, კი მიუხედავად გარკვეული ხარვეზებისა, შეიძლება ითქვას, რომ წინასაარჩევნო პერიოდი მშვიდ ვითარებაში მიმდინარეობს.
"კარგია, რომ დებატები შედგა და იყო მეტნაკლებად შინაარსობრივი განხილვები, თუმცა ცხადია პრობლემები რჩება. ძალიან დიდი პრობლემაა უთანაბრობა პარტიებს შორის დაფინანსების თვალსაზრისით. ასევე პრობლემაა ადმინისტრაციული რესურსის გამოყენება, მათ შორის, იმ ფორმით, როდესაც შესაძლოა, ადამიანები იძულებულნი ხდებოდნენ ფიზიკური არსებობისთვის აუცილებელი ხელფასის დაკარგვის შიშით შეესრულებინათ გარკვეული პარტიული დავალებები, იცით რომ ასეთი ფაქტების შესახებ გავრცელდა ინფორმაცია და ამას გამოძიება სჭირდება", - აღნიშნა კახა კოჟორიძემ.
მისი განცხადებით, მსგავსი ფაქტები შეიძლება იყოს არა მარტო საარჩევნო კანონმდებლობის დარღვევა, არამედ იმის დარღვევა რაც ასე ზარ-ზეიმით ჩაიწერა კონსტიტუციაში - ღირსების უფლების დარღვევა, რასაც ცხადია გამოძიება.
"ასევე, გამოძიება სჭირდება იმ სამწუხარო ფაქტსაც, რომელსაც გუშინ ჰქონდა ადგილი მარნეულში. ძალიან მნიშვნელოვანია ხვალ, როგორც საქართველოს პრეზიდენტმა მოუწოდა, საქართველოს მოქალაქეებმა შეასრულონ თავიანთი მოქალაქეობრივი ვალი, მივიდნენ არჩევნებზე და იაქტიურონ. ეს იქნება წინაპირობა იმისა, რომ საქართველო კიდევ ერთხელ გადადგამს ნაბიჯს წინ დემოკრატიული განვითარებისკენ", - აღნიშნა კახა კოჟორიძემ.
აშშ-ის ეროვნულ-დემოკრატიული ინსტიტუტის (NDI) საქართველოს ოფისის დირექტორის ლორა ტორნტონის განცხადებით, საქართველოში არსებულ საარჩევნო მდგომარეობასთან დაკავშირებით განცხადება კვირას გაკეთდება, როცა მისიას ექნება სრული ინფორმაცია, სწორედ ამის შემდეგ გაიცემა წინასწარი დასკვნები და რეკომენდაციები.
რაც შეეხება მარნეულის ინციდენტს, ლორა ტორნტონის განცხადებით, მისიისათვის ინფორმაცია ჯერ სრულად ნათელი არ არის: "ჩვენ არ ვიცით რა მოხდა, თუმცა, რა თქმა უნდა, ძალადობა - არის ეს პოლიტიკური, თუ არა, საარჩევნო კამპანიის პერიოდში ამომრჩევლისთვის არასასიამოვნო გარემოს ქმნის. ასე რომ, ჩვენ ვიმედოვნებთ, რომ ამომრჩეველი იგრძნობს ხმის მიცემის ძალაუფლებას და ძალადობის ინციდენტები აღარ იქნება", - ლორა ტორნტონმა.
როგორც ევრაზიის პარტნიორობის ფონდის კონსულტანტმა პერ გორან ეკლუნდმა განაცხადა, მისია დაინტერესდა, როგორ აფასებს სახელმწიფოს მეთაური საარჩევნო გარემოს და რა შეხედულებები აქვს მას წინასაარჩევნო პერიოდში მომხდარი მოვლენების, პოლიტიკურ კლიმატის და მიმდინარე რეფორმების შესახებ.
"ძალიან მნიშვნელოვანია სახელმწიფოს მეთაურთან შეხვედრა, რათა მოვისმინოთ მისი საარჩევნო გარემოს შეფასება და შეხედულებები წინასაარჩევნო პერიოდში მომხდარი მოვლენების, პოლიტიკურ კლიმატის და მომავალი რეფორმების შესახებ.
ვფიქრობ, რომ ეს ჩვენს პერსპექტივას აფართოებს და ჩვენს სადამკვირვებლო საქმიანობას ამარტივებს. ჩვენ ძალიან ვაფასებთ იმას, რომ პრეზიდენტმა გამოყო დრო ჩვენთან შესახვედრად და მოსაზრებების გასაზიარებლად", - აღნიშნა ეკლუნდმა.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
- „თეგეტა“ გარემოსდაცვით ღონისძიებას - „დედამიწის დღე 2024-ს“ შეუერთდა
- „თეგეტა მოტორსში“ Energizer-ის ბრენდის აკუმულატორებზე სპეციალური შეთავაზებები მოქმედებს
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა