ბრიტანეთში ქარიშხალი „ოფელია“ მძვინვარებს - არის მსხვერპლი

ბრიტანეთის კუნძულებს თავს ტროპიკული ქარიშხალი „ოფელია“ დაატყდა. მას სულ მცირე სამი ადამიანი ემსხვერპლა.  

ქარის სიჩქარემ ირლანდიის სანაპიროზე საათში 176 კმ-ს მიაღწია. ხელისუფლებამ უამინდობას სიცოცხლისთვსი საშიში უწოდა.

სტიქიის გამო ირლანდიაში ელექტროენერგიის გარეშე 360 ათასი ოჯახია დარჩენილი, ჩრდილოეთ ირლანდიაში 1300, უელსში კი - 4000.

ჩრდილოეთ ირლანდიასა და ირლანდიაში სასწავლო დაწესებულებში სწავლა შეწყდა.

ედინბურგის, მანჩესტერის, ბელფასტისა და დუბლინის აეროპორტებმა ავიარეისები გააუქმეს.

მეტეოროლოგიური სამსახურები ინგლისის ზოგიერთ რაიონებში მოსალოდნელი წყალდიდობის შესახებ იტყობინებიან. ხელისუფლებამ საფრთხის უმაღლესი დონე გამოაცხადა.