სურსათის ეროვნულ სააგენტოში პრესკონფერენციის დროს ფაროსანა გამოჩნდა

სურსათის ეროვნულ სააგენტოში აზიური ფაროსანა იმ დროს შენიშნეს, როდესაც აზიური ფაროსანას საკითხზე ფრესკონფერენცია იმართებოდა. 

უწყება ვაკის პარკში აზიური ფაროსანას არსებობას ადასტურებს. სააგენტოში ამბობენ, რომ გამოდარების შემდეგ, ე.წ ხაფანგები მთელი თბილისის მასშტაბით განთავსდება.გამოიკვლევენ ტყე-პარკებს, რათა დაადგინონ, არის თუ არა აზიური ფაროსანა სხვა უბნებშიც. 

ზურაბ ლიპარტიას თქმით, აზიური ფაროსანა დასავლეთ საქართველოდან თბილისში საავტომობილო ტრანსპორტის მეშვეობით მოხვდა. 

სურსათის ეროვნულ სააგენტოში ვარაუდობენ, რომ ტემპერატურის დაწევასთან ერთად, მავნებელი საცხოვრებელ სახლებში შევა. 

უწყება მოსახლეობას მოუწოდებს, მექანიკურად ებრძოლონ მავნებელს და არ გამოიყენონ ქიმიური ნივთიერებები.

სააგენტოს ცხელ ხაზზე ფაროსანასთან დაკავშირებით, სულ 45 ზარი შევიდა. უწყების ცნობით, აზიური ფაროსანა მხოლოდ ვაკის პარკში დაფიქსირდა.