ეგვიპტის მიმართულებით რეისების გაუქმებაზე, ან შეზღუდვაზე GCAA-ში განაცხადი არ შესულა
საქართველო, თბილისი - 16:50 | 10.11.2015 ნანახია: 1691საქართველოს სამოქალაქო ავიაციის სააგენტო (GCAA) ამ ეტაპისათვის ეგვიპტის მიმართულებით ფრენების შეზღუდვას არ გეგმავს. სააგენტომ საქართველოში რეგისტრირებულ ავიაკომპანიებს ფრენების დაგეგმარებისა და რისკების შეფასებისას, საერთაშორისო ორგანიზაციების რეკომენდაციების გათვალისწუინებისკენ უკვე მოუწოდა.
უწყებაში განმარტავენ, რომ სააგენტო მხოლოდ სახელმწიფოს მიერ მიღებული გადაწყვეტილების ტექნიკურ შესრულებაზე შეიძლება იყოს უფლებამოსილი.
სინაის ნახევარკუნძულის ცენტრალურ ნაწილში რუსული ავიაკომპანიის კუთვნილი სამგზავრო თვითმფრინავის ავიაკატასტროფის გამომწვევი ზუსტი მიზეზის დადგენამდე, როგორც ცნობილია რამდენიმე ავიაკომპანიამ ეგვიპტის მიმართულებით ფრენების დროებით შეჩერების გადაწყვეტილება მიიღო.
„როგორც წესი ავიაკომპანიების მიერ აღნიშნული გადაწყვეტილების მიღება ხდება არსებული რისკების შეფასებიდან და კომერციული ინტერესებიდან გამომდინარე. ICAO-ს მიერ, წევრი სახელმწიფოებისათვის დაგზავნილ წერილებზე და EASA-ს ფრენის უსაფრთხოების ბიულეტენებზე დაყრდნობით, ჩვენ გავავრცელეთ იმ რეგიონების ჩამონათვალი, რომელთა საჰაერო სივრცის თავზე, აღნიშნულ რეგიონებში მიმდინარე საბრძოლო მოქმედებების გამო, შექმნილია მაღალი რისკი სამოქალაქო ფრენების უსაფრთხოებისათვის და მოუწოდეთ საქართველოში რეგისტრირებულ ავიაკომპანიებს ფრენების დაგეგმარებისა და რისკების შეფასებისას აღნიშნული რეკომენდაციების გათვალისწინება.
მას შემდეგ რაც ავიაკატასტროფის გამომწვევ მიზეზად ტერაქტის ვერსია გამოიკვეთა, რიგმა სახელმწიფოებმა თავიანთი მოქალაქეების უსაფრთხოების დაცვის მიზნით შეაჩერეს ფრენები ეგვიპტის კურორტ შარმ-ელ-შეიხის მიმართულებით, ზოგი ქვეყანა კი შემოიფარგლა მხოლოდ მოწოდებით - მოქალაქეებმა თავი შეიკავონ აღნიშნული მიმართულებით მგზავრობისაგან.
ქვეყნების მიერ ფრენების შეჩერების გადაწყვეტილება სახელმწიფოს დონეზე მიიღება კომპეტენტური უწყებების მიერ მიღებულ ინფორმაციაზე დაყრდნობით“, განმარტავენ სამოქალაქო ავიაციის სააგენტოში.
აღნიშნული რეგიონის მიმართულებით, ამ დროისათვი ჩარტერული რეისები დანიშნული არ არის, რეგულარულ რეისებს კი ეგვიპტური ავიაკომპანია Air Cairo ასრულებს.
„მგზავრთა გადაყვანის მიზნით საქართველოდან ხორციელდება ფრენები აღნიშნული რეგიონის მიმართულებით, უკანონო ჩარევის აქტების აღკვეთისა და მგზავრების უსაფრთხო გადაყვანასთან დაკავშირებით ეგვიპტეში შექმნილ ვითარებაზე მიმდინარეობს ინფორმაციის დაზუსტება შესაბამის უწყებებს შორის. სამოქალაქო ავიაციის სააგენტო მხოლოდ სახელმწიფოს მიერ მიღებული გადაწყვეტილების ტექნიკურ შესრულებაზე შეიძლება იყოს უფლებამოსილი“, აცხადებენ სააგენტოში.
Air Cairo საქართველოდან ეგვიპტის მიმართულებით შემდეგ რეისებს ახორციელებს: შარმ ელ შეიხი-თბილისი-შარმ ელ შეიხი (კვირაში 2 სიხშირით) და ჰურგადა-თბილისი-ჰურგადა (კვირაში 1 სიხშირით).
სამოქალაქო ავიაციის სააგენტოში აცხადებენ, რომ ეგვიპტეში მომხდარი მოვლენის შემდეგ უწყებაში რეისების შემცირების, ან გაუქმების მიზნით განაცხადი არ შესულა.
„შესაბამისად, საქართველოსა და ეგვიპტეს შორის დაგეგმილი რეგულარული რეისების განხორციელება Air Cairo-ს მიერ ხორციელდება ზამთრის სეზონისათვის დამტკიცებული განრიგის შესაბამისად. ამასთან, ავიაკომპანიის მიერ რომელიმე რეისის კორექტირება, ან გაუქმება არ დაფიქსირებულა (ბოლო გაუქმება დაფიქსირდა 30 ოქტომბერს, ამის შემდეგ რეისები ჩვეულებრივ განხორციელდა 1, 4 და 8 ნოემბერს)“, განმარტავენ სააგენტოში.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა