ატენში სასწავლო ბანაკი „მეგზური" გაიხსნა

გორის მუნიციპალიტეტის სოფელ ატენში სასწავლო ბანაკი „მეგზური" საზეიმოდ გაიხსნა. ერთი კვირის განმავლობაში, გორის სახელმწიფო სასწავლო უნივერსიტეტისსტუდენტები სხვადასხვა ღონისძიებებში მიიღებენ მონაწილეობას. ახალგაზრდებისთვის ჩატარდება ტრენინგები თემებზე: „გიდის მუშაობის ფორმები და მეთოდები", „ტურისტული უნარ-ჩვევები და უსაფრთხოების საკითხები", „ტურიზმის ქარტია", „საექსკურსიო ობიექტების ისტორიის მიმოხილვა", „მარშრუტების დაგეგმვა",პირველადი დახმარება", ტურიზმის ინდუსტრიის საკითხები გორის მუნიციპალიტეტში". გარდა ამისა, ახალგაზრდებთან თემაზე „გორის მუნიციპალიტეტისგანვითარების პერსპექტივები" გამგებელი დავით ონიაშვილი ისაუბრებს.

ტრენინგებთან ერთად, ბანაკში მოეწყობა მხიარული სტარტები, ლაშქრობები საფეხმავლო ბილიკებზე, პოეზიის საღამოები კოცონთან და სხვა. სტუდენტები ასევეგაივლიან პრაქტიკას უფლისციხის მუზეუმ-ნაკრძალში, გორის ეთნოგრაფიულ და სტალინის მუზეუმებში, რის შემდეგაც საშუალება ექნებათ ითანამშრომლონტურისტულ კომპანიებთან და სააგენტოებთან.

როგორც გორის მუნიციპალიტეტის გამგეობაში აცხადებენ, სასწავლო ბანაკი „მეგზური" ატენში გორის მუნიციპალიტეტის გამგეობის ა(ა)იპ ტურიზმის ცენტრისორგანიზებით გაიხსნა. ბანაკის გახსნაზე ანსამბლ „მაჩაბელას" შემსრულებლებმა სხვადასხვა ფოლკლორული ნომრები წარმოადგინეს. ღონისძიებას ადგილობრივიხელისუფლების წარმომადგენლები, პოლონელი სტუმრები და ტურიზმის ეროვნული სააგენტოს ხელმძღვანელები ესწრებოდნენ.

სასწავლო ბანაკი ატენში ერთი კვირის განმავლობაში იფუნქციონირებს და 1 ივლისს, სერთიფიკატების გადაცემით დაიხურება.