"ხალხი ხმას მომცემს, რადგან მენდობა" - ვანო ჯავახიშვილი პოლიტიკაში მიდის?!

გავრცელებული ჭორის თანახმად იუმორისტი და ტელეწამყვანი ვანო ჯავახიშვილი პოლიტიკაში მიდის. "ვიცი, პოლიტიკა რაც არის და ადამიანის რეპუტაციაზე როგორ მოქმედებს", - აცხადებს ჯავახიშვილი ჟურნალ "სარკესთან" მიცემულ ინტერვიუში.

მისივე თქმით, ჭორი რეალობას არ შეესაბამება და უფრო მეტიც, როგორც თვითონ ამბობს, საკუთარ თავს პოლიტიკაში ვერ ხედავს.

"არანაირი შემოთავაზება არ მიმიღია. თუნდაც შემომთავაზონ, საკუთარ თავს პოლიტიკაში ვერ ვხედავ. ჩემს საქმეს ვაკეთებ რაც განსაკუთრებულად მიყვარს. ვიცი, პოლიტიკა რაც არის და ადამიანის რეპუტაციაზე როგორ მოქმედებს... არასწორი იქნება, მოსახლეობას ჩემს იმედს თუ გავუჩენ. არ შემიძლია ადამიანებს რაღაცა დავპირდე და ვერ შევუსრულო. პოლიტიკოსები რა წნეხის ქვეშაც არიან, ასეთი ცხოვრება ჩემთვის ძალიან მიუღებელია. ვერ დავდებ თავს, რომ პოლიტიკოსობას თავს გავართმევ, რადგან არც კანონები ვიცი და არც ამ სფეროში მუშაობის პრინციპი. ეს არის ყველაზე მნიშვნელოვანი და არა ის, რომ ცნობილი სახე ვარ და ხალხი ხმას მომცემს, რადგან მენდობა. ეს არასწორი მიდგომაა და ჩემი მხრიდან დიდ შეცდომად ჩაითვლება", - განაცხადა ვანო ჯავახიშვილმა.