„ჩვენთვის ვანო მერაბიშვილი პოლიტპატიმარი არც ყოფილა და ვერც იქნება“ - ზურაბ აბაშიძე

ვანო მერაბიშვილის საქმეზე სტრასბურგის სასამართლოს გადაწყვეტილებასთან დაკავშირებით „თავისუფალი დემოკრატების“ ერთ-ერთმა ლიდერმა ზურაბ აბაშიძემ განაცხადა, რომ პარტია "თავისუფალი დემოკრატებისთის" ვანო მერაბიშვილი პოლიტპატიმარი არც ყოფილა და ვერც იქნება.

„ვანო მერაბიშვილთან დაკავშირებით სტრასბურგის სასამართლოს გადაწყვეტილება არის მურუსიძის სასამართლოს, შოთაძის პროკურატურის, წულუკიანის იუსტიციის და ბიძინა ივანიშვილის არაფორმალური მმართველობის შედეგი. სწორედ „ერთიანმა ნაციონალურმა მოძრაობამ“ და „ქართულმა ოცნებამ“ მოახერხეს ის, რომ ვანო მერაბიშვილზე შეიძლება საუბარი, რომ ის არის პოლიტპატიმარი. „თავისუფალი დემოკრატებისთვის“ ვანო მერაბიშვილი არასდროს არ ყოფილა პოლიტპატიმარი და ვერც ვერასდროს იქნება“, - განაცხადა ზურაბ აბაშიძემ.