ბესელია: ჩვენი ინტერესია დადგინდეს ჩვენი მოქალაქეების უფლებების დარღვევის ფაქტები ჩრდილოელი მეზობლის მხრიდან

ჩვენი ინტერესია დადგინდეს ჩვენი მოქალაქეების უფლებების დარღვევის ფაქტები, ჩრდილოელი მეზობლის მხრიდან, - განაცხადა ჰააგის სასამართლოს მიერ 2008 წლის რუსეთ-საქართველოს ომის დროს ჩადენილი შესაძლო დანაშაულების გამოძიების საკითხზე კომენტირებისას ადამიანის უფლებათა კომიტეტის თავმჯდომარემ, ეკა ბესელიამ.

"საქართველოს მხარეს ჰქონდა კომუნიკაცია და მთელი ეს პერიოდი რამდენჯერმე იყო შეხვედრა, მათ შორის იყო პროკურორი ჩამოსული ჰააგის სასამართლოდან საქართველში და ეს წინა წლებშიც ხდებოდა და ახლაც ხდება ბოლო პერიოდში, ჩვენი ინტერესია დადგინდეს ჩვენი მოქალაქეების უფლებების დარღვევის ფაქტები, ჩვენი ჩრდილოელი მეზობლის მხრიდან, იმიტომ, რომ შეილახა ქვეყნის სუვერენული უფლება, ჩვენი მოქალაქეების უფლებები და ჩვენი ტერიტორიული მთლიანობა. ბუნებრივია, მეორე მხარესაც აქვს თავისი პოზიცია, ამიტომ ჩვენი ამოცანაა, რომ ჩვენი ქვეყნის და ჩვენი მოქალაქეების ინტერესები იყოს დაცული", -განაცხადა ეკა ბესელიამ.