ბიძინა ივანიშვილი გიორგი კვირიკაშვილს ოცნების ადამიანს ადარებს

ყოფილმა პრემიერ-მინისტრმა ბიძინა ივანიშვილმა „ტექნოპარკში“, ტელევიზიის ჟურნალისტებთან შეხვედრაზე გიორგი კვირიკაშვილი საკუთარი ,,ახალგაზრდობის ოცნების ადამიანს“ შეადარა.
„გიორგი კვირიკაშვილი ჩემთვის აღმოჩენაა ადამიანობის, წესიერების, უანგარობის და განწყობის იმისა, რომ თავის ქვეყანას ემსახუროს. ქონებრივად შეიძლება მე მეტი გამაჩნდეს, მაგრამ ნაკლები შეძლების გიორგის, არანაკლები განწყობა აქვს ჩემზე და მხოლოდ ამისთვის არის მთავრობაში.
არ არის მარტო გიორგი ასეთი, არიან მთავრობის სხვა წევრებიც, მაგრამ გიორგიზე შემიძლია გავაკეთო განსაკუთრებული აქცენტი, საოცარი პიროვნებაა, ჩემი ახალგაზრდობის ოცნების ადამიანი ვნახე გიორგიში, ის იმდენად დაბალანსაბულია, იმდენად ადამიანურია, იმდენად კეთილშობილია და ამავდროულად არის ძალიან კარგი მენეჯერი, კარგი პროფესიონალი ფინანსისტი და ა. შ. ის მხოლოდ ერთი განწყობითაა მთავრობის მეთაური - მოემსახუროს საკუთარ ქვეყნას რომ ის საუკეთესო გზით წაიყვანოს“, - განაცხადა ბიძინა ივანიშვილმა.