კოდორის ხეობაში ე.წ. აფხაზი მესაზღვრეები ხევში გადაიჩეხნენ

კოდორის ხეობის სოფელ ჩხალთაში, ე.წ. აფხაზი მესაზღვრეები ხევში გადაიჩეხნენ. ადგილობრივების ინფორმაციით, ე.წ. მესაზღვრეები სატვირთო მანქანით ხევში მაშინ გადავარდნენ, როდესაც ე.წ. საზღვარზე მორიგეობიდან ბრუნდებოდნენ.

გავრცელებული ინფორმაციით, მანქანაში სულ 6 ადამიანი იმყოფებოდა, 5 მძიმე მდგომარეობით გადაყვანილია სოხუმის რესპუბლიკურ საავადმყოფოში, ერთი, როგორც ადგილობრივები ვარაუდობენ მდინარემ წაიღო და მას ამ დრომდე ეძებენ.

სოფელი ჩხალთა სოხუმიდან 70 კილომეტრში მდებარეობს.