16 წლის გოგონა 30-ზე მეტმა მამაკაცმა ჯგუფურად გააუპატიურა

საქართველო, თბილისი - 16:10 | 27.05.2016

ნანახია: 1761

ბრაზილიის პოლიცია რიო-დე-ჟანეიროში ეძებს 30-ზე მეტ მამაკაცს, რომლებიც 16 წლის გოგონას გაუპატიურებაში არიან ეჭვმიტანილნი. მოძალადეებმა გოგონაზე თავდასხმის ვიდეოჩანაწერი სოციალურ ქსელში გაავრცლეს.

ინციდენტმა ბრაზილიაში პროტესტის ტალღა გამოიწვია. პროტესტანტები მოითხოვნდნენ ბრაზილიურ თემში, მათი თქმით, ”გაუპატიურების კულტურის” საბოლოოდ აღმოფხვრას.

ინციდენტის შესახებ ზუსტი ცნობები არ არსებობს. გავრცელებული ინფორმაციით, გოგონა შაბათს რიო-დე-ჟანეიროს დასავლეთ ნაწილში, ღარიბთა ერთ-ერთ რაიონში ”ბოიფრენდს” ესტუმრა. როგორც შემდეგ გოგონამ პოლიციელებს განუცხადა, მას კვირას სრულიად შიშველს გაეღვიძა, გარშემო მამაკაცები ეხვია და სხეულზე დაზიანებები ჰქონდა. ამის შემდეგ გოგონა სახლში დაბრუნდა.

მომხდარიდან რამდენიმე დღის შემდეგ მან შეიტყო, რომ მის გაუპატიურებაში ეჭვმიტანილმა მამაკაცებმა თავდასხმის ვიდეოჩანაწერი ”ტვიტერში” განათავსეს. 40-წამიანი ჩანაწერი ინტერნეტით სწრაფად გავრცელდა. მალე ამ ადამიანების აქაუნტები დაიხურა.

პოლიცია ეჭვმიტანილებს, მათ შორის გოგონას ”ბოიფრენდსაც” ეძებს.