Foxconn-ის რობოტები iPhone-ს აწყობაში მიიღებენ მონაწილეობას

Apple საკუთარ პროდუქციას კომპანია Foxconn-ის საწარმოში ააწყობს. როგორც უცხოური მედია წერს, სწორედ Foxconn-ს შეუკვეთა „ჩაკბეჩილმა ვაშლმა“ დიდი რაოდენობით iPhone-ს აწყობა.

ირკვევა ისიც, რომ მიუხედავად დაკვეთების ზრდისა Foxconn-ი საწარმოში კადრებს ამცირებს, რაც თავის მხრივ რობოტების ჩანაცვლების ხარჯზე ხდება.

საწარმოებში რობოტების „დასაქმება“ უფრო მომგებიანი საქმეა მწარმოებლისთვის. მაგალითისთვის 2014 წლიდან 500-ზე მეტმა კომპანიამ ჩინეთის ერთ-ერთი პროვინციიდან, საწარმოების ტექნიკურ გადაიარაღებაში 630 მლნ დოლარზე მეტი ინვესტიცია ჩადო.

ცნობილია, რომ Foxconn-მა მთავრობისგან 12 მლნ დოლარის სუბსიდია მიიღო, რომელიც თავის მხრივ iPhone-ს წარმოებას უნდა მოახმაროს.

„რობოტიზაციის“ პროცესში Foxconn-ის საწარმოში მუშახელის რაოდენობა 110 ათასიდან 50 ათასამდე შემცირდა.