ავღანეთში აფეთქებას 11 ადამიანი ემსხვერპლა, მათ შორის 5 ბავშვია

საქართველო, თბილისი - 14:22 | 20.05.2016

ნანახია: 1646

სულ მცირე 11 ადამიანი, მათ შორის 5 ბავშვი დაიღუპა და სამი დაშავდა ავღანეთში ბაგლანის პროვინციაში მომხდარი აფეთქებისას.

ადგილობრივი მედიის ცნობით, ავტომობილმა დანაღმულ გზაზე გაიარა. ყველა დაღუპული ერთი ოჯახის წევრები იყვნენ. სამი დაშავებული ბავშვის ჯანმრთელობის მდგომარეობა მძიმეა.

აფეთქებაზე პასუხისმგებლობა ჯერ არცერთ დაჯგუფებას არ აუღია.

გაეროს მონაცემებით, წლის დასაწყისიდან ავღანეთში ტერაქტების შედეგად 600 სამოქალაქო პირი დაიღუპა და 1300 დაშავდა.