ანნა ფოტიგა: საქართველომ ევროკავშირთან უვიზო მიმოსვლა რაც შეიძლება სწრაფად უნდა მიიღოს

ევროპარლამენტის საგარეო კომიტეტის ქვეკომიტეტის თავმჯდომარე ანნა ფოტიგა მიიჩნევს, რომ საქართველომ ევროკავშირთან უვიზო მიმოსვლა რაც შეიძლება სწრაფად უნდა მიიღოს,

მისი თქმით, საქართველო ყველა იმ მოთხოვნას აკმაყოფილებს, რაც ვიზალიბერალიზაციის მინიჭებისთვის აუციელებლია.

„ჩვენ ევროპარლამენტში ოთხ უდიდეს პოლიტიკურ ჯგუფს წარმოვადგენთ და ყველანი ერთ აზრზე ვთანხმდებით, საქართველომ ევროკავშირთან უვიზო მიმოსვლა რაც შეიძლება სწრაფად უნდა მიიღოს. ვფიქრობთ, საქართველომ ვიზალიბერალიზაციის სამოქმედო გეგმით ნაკისრი ყველა ვალდებულება შეასრულა. მაღალ შეფასებას ვაძლევთ ქართული ჯარის მოდერნიზაციის პროცესს, რომელიც მას ნატოს და ევროკავშირის მოთხოვნებთან თავსებადს ხდის. საინტერესო შეხვედრა გვქონდა თავდაცვის მინისტრ თინა ხიდაშელთან. ასევე, ჩვენ თავად ვნახეთ ის პრობლემები, რომელიც საზღვრისპირა სოფლებშია. ჩვენ ვნახეთ ხელოვნურად აღმართული ბარიერები“, - განაცხადა ანნა ფოტიგამ.

საქართველოში ვიზიტის ფარგლებში, ევროპარლამენტის საგარეო საქმეთა კომიტეტის თავდაცვისა და უშიშროების ქვეკომიტეტის წევრებმა შეხვედრები საქართველოს პარლამენტის თავმჯდომარე დავით უსუფაშვილთან, საქართველოს პრეზიდენტ გიორგი მარგველაშვილთან, პრემიერმინისტ გიორგი კვირიკაშვილთან, თავდაცვის მინისტრ თინა ხიდაშელთან, შერიგებისა და სამოქალაქო თანასწორობის საკითხებში სახელმწიფო მინისტრთან, პაატა ზაქარეიშვილთან და შინაგან საქმეთა მინისტრთან, გიორგი მღებრიშვილთან გამართეს. ევროპარლამენტარების ვიზიტი საქართველოში ოფიციალურად დღეს დასრულდება.