პრემიერი: ყველა, ვინც მანიპულირებს საქართველოს საგარეო კურსით, არასწორია

საქართველოს პრემიერ-მინისტრმა გიორგი კვირიკაშვილმა ლონდონში, „ჩეთემ ჰაუსში“ საექსპერტო წრეების წარმომადგენლებთან შეხვედრაზე განაცხადა, რომ რუსეთთან ურთიერთობის დეესკალაციის მცდელობა სტრატეგიული მიზნების გადახედვას არ ნიშნავს. მისი თქმით, არავინ უნდა დააყენოს ეჭვქვეშ საქართველოს ევროპული არჩევანი.

„საქართველო ცდილობს სტანდარტების ევროპასთან დაახლოებას. ვარშავის ნატო-ს სამიტისთვის ვემზადებით და იმედი გვაქვს, რომ დავუახლოვდებით ნატო-ს. ყველა, ვინც მანიპულირებს საქართველოს საგარეო კურსით, არასწორია. ეს არის საქართველოს არჩევანი და მომავალი“, - აღნიშნა გიორგი კვირიკაშვილმა და აღნიშნა, რომ ნატო-ს სამიტზე საქართველო  პროგრესის დაფიქსირებას ელოდება.

ამასთან, გიორგი კვირიკაშვილის თქმით, „სამხრეთ ოსეთში“ დაგეგმილი  რეფერენდუმი საერთაშორისო სამართლის ნორმების დარღვევა.

„სამხრეთ ოსეთთან“  და აფხაზეთთან  ნდობის აღდგენას  ვცდილობთ. კონფლიქტის გადაწყვეტის სამხედრო გზა არ არსებობს“,-განაცხადა გიორგი კვირიკაშვილმა.

საქართველოს პრემიერ-მინისტრმა ისაუბრა აგრეთვე,  საქართველოს მონაწილეობაზე საერთაშორისო სამხედრო მისიებში, ქვეყენაში არსებულ საინვესტიციო გარემოზე, მედიის თავისუფლებასა და სასამართლო სისტემის რეფორმაზე.