ეკა ბესელია: ბიძინა ივანიშვილს ბუნების მიმართ განსაკუთრებული დამოკიდებულება აქვს

საპარლამენტო უმრავლესობის დეპუტატი ეკა ბესელია ბოტანიკური ბაღის ირგვლივ განვითარებულ მოვლენებს ეხმაურება და აცხადებს, რომ ბიძინა ივანიშვილს ბუნების მიმართ განსაკუთრებული დამოკიდებულება აქვს.

მისი მტკიცებით, ”ნაციონალური მოძრაობა” საზოგადოებას არასწორ ინფორმაციას აწვდის.

,,ბიძინა ივანიშვილი ბოტანიკურ ბაღს და სხვა მნიშვნელოვან ობიექტებს წლების განმავლობაში საკუთარი სახსრებით ინახავდა. მას ბუნების მიმართ განსაკუთრებული დამოკიდებულება აქვს და ეს მისი პირადი განწყობისთვის არ კეთდება. პროცესი მიმდინარეობს, რაც ჩვენთვის არის ცნობილი, თავად ბოტანიკური ბაღისთვის უკეთესი და უფრო სასარგებლო პირობებით. მოტივაცია არის ერთადერთი, რომ სარგებელი ნახოს ყველა იმ ადამიანმა, ვისთვისაც ღირებულია ბაღი და ბუნება”, - განაცხადა ეკა ბესელიამ.

რამდენიმე წუთში ცნობილი გახდება, გაიყიდა თუ არა ბოტანიკური ბაღის მიმდებარედ 29 ჰექტარი მიწის ნაკვეთი.