პირველკლასელთა საყოველთაო ელექტრონული რეგისტრაცია 4 მაისს დაიწყება

2016-2017 სასწავლო წლისთვის პირველკლასელთა საყოველთაო ელექტრონული რეგისტრაცია 4 მაისს, 09.00 საათზე დაიწყება  და 25 მაისს,  20:00 დასრულდება. ამის შესახებ დღეს გამართულ ბრიფინგზე განათლების მინისტრის მოადგილემ, ლია გიგაურმა განაცხადა.

რეგისტრაცია განათლების მართვის საინფორმაციო სისტემის სპეციალურ ვებგვერდზე -  registration.emis.ge-ზე განხორციელდება. რეგისტრაციაზე გადასვლა შესაძლებელი იქნება განათლებისა და მეცნიერების სამინისტროს ვებგვერდზე განთავსებული ბმულიდანაც.

რეგისტრატორი რეგისტრაციის შესხებ ინფორმაციას მიიღებს მოკლე ტექსტური შეტყობინებით ან ელექტრონული ფოსტით.

ახალი სასწავლო წლისთვის პირველკლასელებისთვის 70 500 ადგილია გამოყოფილი, ამ ეტაპზე დარჩენილია 52 ათასზე მეტი თავისუფალი ადგილი.