NDI: საპარლამენტო არჩევნებში "ქართული ოცნებას" ხმას 15 პროცენტი მისცემდა, "ნაციონალური მოძრაობას" - 13

კითხავზე, ხვალ რომ საპარლამენტო არჩევნები ტარდებოდეს, რომელ პარტიას ან  გაერთიანებას მისცემდით ხმას, გამოკითხულთა  38 პროცენტმა უპასუხა, რომ არ იცის;  კოალიცია "ქართული ოცნებას" ხმას 15 პროცენტი მისცემდა, "ნაციონალური მოძრაობას" - 13, "თავისუფალი დემოკრატებს" - 6 პროცნეტი, "ლეიბორსტული პარტია" - 4 პროცენტი, "პატრიოტთა ალიანსი" - 3 პატრიოტთა.

კითხვაზე პასუხის გაცემაზე უარი 12 პროცენტმა განაცხადა.

ამასთან, ეს არის გამოკითხულთა 66 პროცენტის პასუხი, რომელიც არჩევნებში მონაწილეობას აპირებს. 

კვლევის საველე სამუშაოები ჩატარდა 23 თებერვალი - 14 მარტის პერიოდში. საქართველოს მასშტაბით, 3900 პირისპირი ინტერვიუს წარმომადგელობითი შერჩევის საფუძველზე. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.

NDI არის არამომგებიანი ორგანიზაცია, რომელიც მუშაობს დემოკრატიის განმტკიცებისა და გავრცელებისთვის მსოფლიოში. NDI მუშაობს დემოკრატებთან მსოფლიოს ყველა რეგიონში, რათა გააძლიეროს პოლიტიკური და სამოქალაქო ორგანიზაციები, ხელი შეუწყოს არჩევნების სამართლიანად ჩატარებას, მოქალაქეების აქტიურ მონაწილეობას საზოგადოებრივ ცხოვრებაში და მთავრობის ანგარიშვალდებულებას.