”ისლამური სახელმწიფოს” მებრძოლებმა 15 ადამიანი ცოცხლად დაწვეს

საქართველო, თბილისი - 11:10 | 07.04.2016

ნანახია: 1924

”ისლამური სახელმწიფოს” მებრძოლებმა 15 ადამიანი, რომლებიც ერაყის ქალაქ ელ-ფალუჯადან გაქცევას ცდილობდნენ, ცოცხლად დაწვეს. როგორც The Daily Mail-ი წერს, ისლამისტებმა ისინი საჯაროდ დასაჯეს. ამ ფორმით ტერორისტებმა ხალხი დააშინეს, რომლებიც ელ-ფალუჯას დატოვებას ცდილობენ.

ქალაქი ერაყის ჯარის ნაწილების მიერაა ბლოკირებული. მებრძოლები სამოქალაქო პირებს ცოცხალ ფარად იყენებენ. ადგილობრივი მცხოვრებლები შიმშილის ზღვარზე იმყოფებიან.

მანამდე ”ისლამური სახელმწიფოს” მებრძოლებმა ელ-ფალუჯაში სიკვდილით 6 ადამიანი დასაჯეს. ისინი სამთავრობო ძალების სასარგებლოდ ჯაშუშობაში დაადანაშულეს. ოთხ მათგანს ტყვია თავში ესროლეს, ერთს თავი მოკვეთეს, ორს კი ყელზე ბომბი დაამაგრეს და ააფეთქეს.

ელ-ფალუჯა ბაღდადიდან 57 კმ-ის დაშორებით ანბარის პროვინციაში მდებარეობს. ის მებრძოლებმა 2014 წლის იანვარში დაიკავეს. ერაყის არმიის კონტრშეტევის დაწყების შემდეგ ქალაქი ”ისლამური სახელმწიფოს” მიერ დაკავებულ დანარჩენ ტერიტორიებს მოწყდა და ახლა ბლოკადაში იმყოფება.