გიორგი მღებრიშვილი რაინლანდ-პფალცის შინაგან საქმეთა მინისტრს შეხვდა
საქართველო, თბილისი - 12:07 | 01.04.2016 ნანახია: 1699გერმანიის ფედერაციულ რესპუბლიკაში სამუშაო ვიზიტის ფარგლებში, საქართველოს შს მინისტრი ფედერალური მიწების შინაგან საქმეთა მინისტრებთან შეხვედრებს განაგრძობს.
ქალაქ მაინცში გიორგი მღებრიშვილი რაინლანდ-პფალცის ფედერალური მიწის შინაგან საქმეთა, სპორტისა და ინფრასტრუქტურის მინისტრ როგერ ლევენცს შეხვდა.
გიორგი მღებრიშვილმა და როგერ ლევენცმა ხელი მოაწერეს „საქართველოს შინაგან საქმეთა სამინისტროსა და რაინლანდ-პფალცის ფედერალური მიწის შინაგან საქმეთა, სპორტისა და ინფრასტრუქტურის სამინისტროს ურთიერთგაგების მემორანდუმს“, რომელიც თანამშრომლობის ძირითად სფეროებს განსაზღვრავს და პოლიციელთა შესაძლებლობების განვითარებას ითვალისწინებს.
მემორანდუმის ხელმოწერის შემდეგ გამართულ პრესკონფერენციაზე რაინლანდ-პფალცის შინაგან საქმეთა მინისტრმა გიორგი მღებრიშვილს სტუმრობისთვის მადლობა გადაუხადა და აღნიშნა: „ ეს ვიზიტი კიდევ ერთხელ ადასტურებს ქართული მხარის მზაობას, უფრო მჭიდრო გახდეს გერმანიასთან თანამშრომლობა. ჩვენთვის უაღრესად მნიშვნელოვანია ის ინფორმაცია, რასაც თქვენ კრიმინალთან და ორგანიზებულ დანაშაულთან ბრძოლის პროცესში გვაწვდით. ორგანიზებულ დანაშულს არა აქვს საზღვრები და არც ეროვნება. ეს ჩვენ კიდევ ერთხელ დაგვანახა იმ ტრაგედიამ, რაც ცოტა ხნის ბრიუსელში და უფრო ადრე, პარიზში მოხდა. ამ პრობლემის დასაძლევად მთავარია საერთაშორისო პარტნიორობის გაღრმავება და საპოლიციო თანამშრომლობა. მემორანდუმი, რომელიც დღეს საქართველოს შინაგან საქმეთა სამინისტროსთან გავაფორმეთ, ჩვენს შორის არსებული ნაყოფიერი ურთიერთობების განვითარების საუკეთესო საფუძველია“.
საქართველოს შს მინისტრის თქმით, „ძალიან მნიშვნელოვანია, რომ დანაშაულის წინააღმდეგ ბრძოლის კუთხით, გერმანიასთან იყოს მჭიდრო ურთიერთობა არა მხოლოდ ფედერალურ, არამედ, მიწების დონეზეც. დროა, ურთიერთობების ახალ, კიდევ უფრო ქმედით ეტაპზე გადავიდეთ. აუცილებელია შევინარჩუნოთ და გავაღრმავოთ ჩვენს შორის არსებული პოზიტიური ურთიერთობები, ერთმანეთს გავუზიაროთ ინფორმაცია, გამოცდილება და დანაშაულთან ბრძოლის საერთო სტრატეგია შევიმუშაოთ“.
რაინალდ-პფალცის შს მინისტრის მოადგილე გიუნტერ ქერნმა ქართული დელეგაციის წევრებს ფედერალური მიწის საპოლიციო სისტემისა და კრიმინალური სამსახურის შესახებ პრეზენტაცია წარუდგინა. მხარეები, თანამშრომლობის გაღრმავების მიზნით, საგამოძიებო და ოპერატიული ჯგუფების სამუშაო შეხვედრაზე შეთანხმდნენ.
რაინლანდ-პფალცის ფედერალურ მიწაზე სამუშო ვიზიტის ფარგლებში, გიორგი მღებრიშვილი ქალაქ ჰანში პოლიციის უმაღლეს სკოლას ეწვია. საქართველოს შს მინისტრს სასწავლებლის ხელმძღვანელმა ფრიდელ დრიუბენმა უმასპინძლა და ინსტიტუტის სწავლების სისტემა და მეთოდიკა გააცნო.
შეხვედრაზე პოლიციის უმაღლეს სკოლასა და შსს-ს აკადემიას შორის სამომავლო თანამშრომლობის საკითხები განიხილეს. „ჩვენ ცოდნითა და განვითარებაზე მუდმივი ზრუნვით უნდა დავუპირისპირდეთ იმ გამოწვევებს, რაც პოლიციის წინაშე დგას“, - აღნიშნა საქართველოს შს მინისტრმა.
გიორგი მღებრიშვილი ფრიდელ დრიუბენს საქართველოს შსს-ს აკადემიის საპოლიციო განათლების რეგიონულ ცენტრად გარდაქმნისა და დაგეგმილი რეფორმების შესახებ ესაუბრა. მხარეები, გამოცდილების გაზიარების მიზნით, პედაგოგებისა და სტუდენტების გაცვლითი პროგრამების განხორციელებაზე შეთანხმდნენ.
პოლიტიკა
- გახარია პარლამენტში ფიზიკურად არ არის, თორემ არც დაფინანსებაზე თქვა უარი და არც მანდატები დაუთმია, საგამოძიებო კომისიის სხდომაზეც იმყოფებოდა - ლევან მახაშვილი
- გირაოს გადახდას არ ვაპირებ, ნებისმიერი რამისთვის მზად ვარ - ზურაბ ჯაფარიძე
- "ქართულმა ოცნებამ" და ივანიშვილმა კიდევ ერთხელ გადააგდო საკუთარი ამომრჩეველი, რომელსაც დაჰპირდა ოპოზიციური პარტიების აკრძალვას - ირაკლი კუპრაძე
- “კოლექტიურ ნაცმოძრაობას“ კიდევ ერთხელ ექნება არჩევნებში მონაწილეობის მიღების შესაძლებლობა, მზად ვართ, თვითმმართველობის არჩევნებზე აგენტურულ პარტიებს ჯერ ქართველმა ხალხმა გასცეს საკადრისი პასუხი - მამუკა მდინარაძე
საზოგადოება
- საჩუქარი ლოქერის მომხმარებლებს - ინოვაციური ტექნოლოგიები, კომფორტული მომსახურება და ყოველთვის სარგებლიანი შეთავაზებები PSP-სგან
- „არ გადაყარო, ჩააბარე“ - მოემზადე დედამიწის კვირეულისთვის „თეგეტა მოტორსთან“ ერთად
- საირმეში, მდინარე წაბლარასწყალში წითელწინწკლებიანი კალმახის ქვირითი ჩაეშვა
- აღადგინე რუსთავის ჭალის ტყე – „თეგეტა მოტორსის“ მხარდაჭერით გამწვანების მასშტაბური აქცია გაიმართა
სამართალი
- უფროსმა დეტექტივმა გიორგი ზაბახიძემ 29 ნოემბერს აქციის მონაწილეთა მხრიდან ნასროლი ბლაგვი საგნის მოხვედრის შედეგად, თვალის არეში მძიმე დაზიანება მიიღო, დაზიანების შედეგად პოლიციელმა მარჯვენა თვალში მხედველობა სრულად დაკარგა - შსს
- სასამართლომ ბექა ჯაიანი კესარია აბრამიძის განზრახ მკვლელობაში დამნაშავედ ცნო და უვადო თავისუფლების აღკვეთა მიუსაჯა
- შსს-მ თაღლითობის მცდელობის ფაქტზე 6 პირი დააკავა
- პოლიციამ თბილისში ნარკოდანაშაულის ბრალდებით 4 პირი დააკა
მსოფლიო
- ევროკავშირი 61 ქვეყანასთან უვიზო მიმოსვლის გაუქმების მექანიზმის გამარტივებას გემავს - რიკარდ იოზვიაკი
- მოსკოვმა იცის, როგორ არ დადოს დონალდ ტრამპთან ისეთი გარიგება, რომელიც რუსეთს ხაფანგში მოაქცევს - სერგეი ლავროვი
- ეს იყო ვერაგი აქტი და ომის დანაშაული - ფრიდრიხ მერცი სუმზე თავდასხამზე
- ჩამოდით, ნახეთ და მიხვდებით, ვისთან გაქვთ საქმე, მიხვდებით, რაც გააკეთა პუტინმა - ზელენსკი ტრამპს მოუწოდებს უკრაინაში ჩავიდეს
კონფლიქტები
- ოკუპირებულ აფხაზეთში ე.წ. პარლამენტიდან რუსეთთან „საინვესტიციო ხელშეკრულების“ ე.წ. კანონპროექტის გატანისთვის ემზადებიან
- რუსეთმა ოკუპირებულ აფხაზეთს დაფინანსება შეუჩერა
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- საქართველოს ნაკრები ერთა ლიგის პლეი ოფში სომხეთს შეხვდება
- საქართველოს ნაკრებმა ჩეხეთი დიდი ანგარიშით დაამარცხა
- საქართველოს ეროვნული ნაკრები ერთა ლიგის გათამაშებისთვის ემზადება
- თუშიშვილი ვერც გუნდურ შეჯიბრებაში მიიღებს მონაწილეობას, ქართველ ძიუდოისტს ეკრძალება სხვა ტურნირებზე გამოსვლაც, ვიდრე კომისია საბოლოო გადაწყვეტილებას მიიღებს