დავით უსუფაშვილი ჟოზეფ დოლს შეხვდა

საქართველო, თბილისი - 17:20 | 31.03.2016

ნანახია: 1810

აქართველოს პარლამენტის თავმჯდომარე დავით უსუფაშვილი "ევროპის სახალხო პარტიის" (EPP) პრეზიდენტს ჟოზეფ დოლს შეხვდა.
პარლამენტის პრესსამსახურის მიერ გავრცელებული ინფორმაციით, მხარეებმა საქართველოს ევროპულ და ევროატლანტიკურ სტრუქტურებში ინტეგრაციის პროცესზე, ვიზალიბერალიზაციაზე, საქართველოში განხორციელებულ რეფორმებზე და არსებულ გამოწვევებზე ისაუბრეს.
დავით უსუფაშვილის განცხადებით, საქართველო ყოველთვის მიესალმება რჩევებს ქვეყნის მხარდამჭერი პარტნიორებისგან, თუმცა მნიშვნელოვანია, ერთმანეთისგან გაიმიჯნოს პარტიული პოზიციები და საუბარი სტანდარტების შესახებ. საქართველოს პარლამენტის თავმჯდომარემ ხაზგასმით განაცხადა, რომ მომავალი საპარლამენტო არჩევნები არცერთ ეტაპზე არ ყოფილა რაიმე წინაპირობა ვიზალიბერალიზაციის პროცესში და ამ ორი საკითხის კავშირის შესახებ პოზიციას იგი ვერ გაიზიარებს.
ჟოზეფ დოლის განცხადებით, მისი დიდი სურვილია, საქართველომ ევროკავშირთან უვიზო მიმოსვლის უფლება 2016 წლის საპარლამენტო არჩევნებამდე მიიღოს. ევროპის სახალხო პარტიის პრეზიდენტმა დააზუსტა, რომ არსებობს ვიზალიბერალიზაციის პროცედურა და ეცდება, რომ ამ პროცესში საქართველოს პრობლემა არ შეექმნას. მისივე თქმით, მნიშვნელოვანია არც ერთ ძალას, და ყველაზე მეტად რუსეთს, არ მიეცეს საარჩევნო პროცესებით მანიპულირების შესაძლებლობა.