ჟურნალისტი მაკა რაზმაძე პროკურატურაში დაიბარეს

„პროკურატურაში მივდივარ ისევ...“, - წერს სოციალურ ქსელში ჟურნალისტი მაკა რაზმაძე, რომელმაც რამდენიმე წუთის წინ „ფეისბუქის“ საკუთარ გვერდზე გაუვრცელეს ქართველი პოლიტიკოსების პირადი ცხოვრების ამსახველი ვიდეოკადრები.

ჟურნალისტის განცხადებით, ვიდეო გავრცელება პოლიტიკოსის ყალბი ექაუნთით მოხდა და მას თან ახლდა ანონსი, სადაც აღნიშნული იყო ის ადამიანები, რომელთა ვიდეოების გავრცელებაც მომავალში მოხდება.

„უკვე მესამეჯერ ჩემი ფეისბუკის პირად გვერდზე აიტვირთა პირადი ცხოვრების ამსახველი ვიდეო, აიტვირთა იმ პოლიტიკოსის ყალბი ექაუნთით, ვისი პირადი კადრებიც იყო ამ ვიდეოზე. ამჯერად რაღაც გარანტია უნდოდა ალბათ და ატვირთულია თითქმის ყველა ჩემს ფოტოზე, სტატუსზე და ა.შ. მალევე დაიბლოკა“, - განაცხადა რაზმაძემ.

ჟურნალისტმა შესაბამის ორგანოებს უკვე მიმართა და სავარაუდოდ გამძიებაც დაიწყება.

„ნინო გიორგობიანმა დამირეკა და ალბათ გააგრძელებენ ძიებას. ფაქტი ის არის, რომ ორი ადამიანი დაკავებულია და ზუსტად იგივე სტილში და იგივე ხელწერით იტვირთება, ამ ვიდეოსაც თან ახლდა შემდეგი ადამიანების ანონსი. აუციელბლად ვითანამშრომლებ გამოძიებასთან“, - აღნიშნა რაზმაძემ.