სასტუმრო „სითიავენიუ“ მშენებლობაში თურქმა ინვესტორმა 12 მლნ ლარის ინვესტიცია ჩადო

თბილისს კიდევ ერთი მაღალი კლასის სასტუმრო შეემატა. სასტუმრო „სითიავენიუ“ თბილისის ცენტრში, დავით აღმაშენებლის გამზირზე მდებარეობს. „სითიავენიუ“-ში თანამედროვე სტანდარტებით მოწყობილი 37 ოთახია. სასტუმროს აქვს 50 პერსონაზე გათვლილი საკონფერენციო დარბაზი, კაფე-ბარი, ტერასა და პარკინგი.

პროექტი თურქული ინვესტიციით განხორციელდა, რომლის ღირებულებაც 12 000 000 ლარია. სასტუმრო „სითიავენიუში“ 20 ადამიანი დასაქმდება.

როგორც პრეზენტაციაზე გახდა ცნობილი, აღნიშნული განთავსების ობიექტი  ინვესტორისთვის საპილოტე სასტუმროა და უახლოეს მომავალში ინვესტორი აპირებს 4 დამატებითი სასტუმროს გახსნას როგორც თბილისში, ასევე რეგიონებში,  რომლებსაც ოპერირებას გაუწევენ საერთაშორისო ბრენდები, მათ შორის, ერთ-ერთი, 100 ნომრიანი, 3 ვარსკვლავიანი სასტუმრო “ibis” თბილისში, თამარ მეფის გამზირზე 2016 წელს შევა ექსპლუატაციაში.