უკრაინაში ლენინის ყველაზე დიდი ქანდაკება აიღეს

უკრაინის ქალაქ ზაპოროჟიეში წარმატებით დასრულდა ქვეყანაში ლენინის დარჩენილ ძეგლთა შორის ყველაზე დიდი ქანდაკების დემონტაჟი.

პროცესი პირდაპირ ეთერში ინტერნეტით გადაიცემოდა, რასაც ათასობით ადამიანი ადევნებდა თვალს.20-მეტრიანი ბრინჯაოს ქანდაკება კვარცხლბეკიდან ამწეს მეშვეობით მოხსნეს. მოედანზე ასობით ადამიანი იყო შეკრებილი.

2013 წლის ანტისამთავრობო აქციების შემდეგ, უკრაინის მასშტაბით ლენინის 1000-მდე სხვადასხვა ზომის ძეგლი აიღეს.