ერაყელმა სპეცრაზმელებმა მოსულში ”ისლამური სახელმწიფოს” მიერ დატყვევებული ქალები გაათავისუფლეს

ერაყის სპეცსამსახურებმა ”ისლამური სახელმწიფოს” მიერ ოკუპირებულ ქალაქ მოსულში დატყვევებული ქალები გაათავისუფლეს.

ყველა გათავისუფლებული ქალი იეზიდია. ტყვეები იმყოფებოდნენ მოსულის ცენტრში, რომელსაც დღემდე ტერორისტები აკონტროლებენ. ყოფილი ტყვეები მოსულიდან არიან გაყვანილი და ექიმებისა და ფსიქოლოგების მეთვალყურეობის ქვეშ იმყოფებიან. სხვა დეტალები მათ შესახებ არ ხმაურდება.

თავდცვის სამინისტრო სპეცოპერაციის დეტალებს არ აკონკრეტებს, მხოლოდ აღნიშნავს, რომ სპეცოპერაციის მომზადება რამდენიმე თვის განმავლობაში მიმდინარეობდა და უმაღლესი რანგის თანმდებობის პირებთან ერთად იყო კოორდინირებული.

მოსულს ”ისლამური სახელმწიფოს” მებრძოლები თავიანთ დედაქალაქად მიიჩნევენ. ქალაქი 2014 წლის ივნისში სამთვარობო ჯარებმა ფაქტობრივად უბრძოლველად დათმეს. ამჟამად მოსულის გათავისუფლება, ქვეყანაში კონტროლის დასამყარებლად სამთავრობო ჯარის მთავარ მიზანს წარმოადგენს.