მოსკოვმა იცის, როგორ არ დადოს დონალდ ტრამპთან ისეთი გარიგება, რომელიც რუსეთს ხაფანგში მოაქცევს - სერგეი ლავროვი

მოსკოვმა იცის, როგორ არ დადოს აშშ-ის პრეზიდენტ დონალდ ტრამპთან ისეთი გარიგება, რომელიც რუსეთს ხაფანგში მოაქცევს. ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.

„ახლა, როდესაც გვთავაზობენ ნორმალურ [როგორც დონალდ ტრამპი ამბობს] „გარიგებებს“, ჩვენ ამას კარგი გაგებით აღვიქვამთ.

ჩვენ მშვენივრად გვესმის, როგორ გამოიყურება ორმხრივად მომგებიანი გარიგება, რაზეც უარი არასდროს გვითქვამს და როგორ გამოიყურება გარიგება, რომელმაც შეიძლება მორიგ „ხაფანგში“ მოგვაქციოს“, - განაცხადა ლავროვმა.

როგორც მან აღნიშნა, ტრამპის საგარეო პოლიტიკა ეფუძნება შეერთებული შტატების ეროვნული ინტერესების დაცვას, მაგრამ ამერიკის პრეზიდენტი მზადაა სხვა ქვეყნებთან დიალოგისთვის, როცა ეს ინტერესები ემთხვევა.

ლავროვი მიიჩნევს, რომ მსგავსი მიდგომა პრაგმატულია და განხილვას  იმსახურებს.