დიდი ბრიტანეთის პრემიერ-მინისტრმა, კირ სტარმერმა, 15 მარტს "მსურველთა კოალიციის" ლიდერებთან ვირტუალურ შეხვედრაზე უკრაინაში დასავლური სამშვიდობო ძალების შექმნის შესახებ ისაუბრა და გეგმა წარადგინა.

გამოცემა The Times-ი  წყაროს ინფორმაციის თანახმად წერს, რომ დიდი ბრიტანეთი მზადაა, 10 000-ზე მეტი სამხედრო მოსამსახურე უკრაინაში გაგზავნოს.

”მთავრობის მაღალჩინოსნებმა განაცხადეს, რომ პრემიერ-მინისტრმა მიიღო მხარდაჭერა ”მნიშვნელოვნად მეტი” ქვეყნიდან. ეს იქნება ძალიან მნიშვნელოვანი ძალა ბევრი ქვეყნის მონაწილეობით, რომლებიც ჯარებს განალაგებენ და კიდევ უფრო დიდი ჯგუფი იმ ქვეყნებისა, რომლებიც სხვა გზით შეიტანენ წვლილს.

როგორც გამოცემა წერს, საერთო ჯამში, დაახლოებით 35 სახელმწიფო დათანხმდა იარაღის მიწოდებას და მისიის ლოჯისტიკურ და სადაზვერვო მხარდაჭერას.

შეხვედრის მონაწილეების თქმით, ამან შეიძლება შეაფერხოს კრემლი ახალი შეჭრისგან რუსეთსა და უკრაინას შორის ცეცხლის შეწყვეტის შემთხვევაში.

თავად სტარმერმა თქვა, რომ მრავალეროვნული სამშვიდობო ძალების შექმნის გეგმები გადადის "ოპერატიულ ფაზაში".