Construction Machinery Georgia-მ სომხურ დეველოპერულ კომპანიას LIEBHERR-ის ყველაზე დიდი სამთო საკარიერო ბულდოზერები გადასცა
საქართველო, თბილისი - 12:54 | 27.11.2024 ნანახია: 8912
"თეგეტა ჰოლდინგის" შვილობილმა კომპანიამ, Construction Machinery Georgia-მ, სომხურ წამყვან დეველოპერულ კომპანიას Davax LLC-ს LIEBHERR-ის ბრენდის ყველაზე დიდი სამთო მომპოვებელი და სრულად ჰიდროსტატიკური ამძრაობის ოთხი ბულდოზერი გადასცა.
ორივე მხარისთვის უპრეცედენტო შეთანხმებას ერთწლიანი მოლაპარაკებები უძღოდა წინ. სხვადასხვა ფაქტორის გამო, სომხურ კომპანიას, რომელიც უძრავი ქონების ბიზნესში უკვე 10 წელზე მეტია ოპერირებს და მაღალი სანდოობით გამოირჩევა, ახალი სამუშაო მიდგომის გამოგონება მოუწია. ობექტზე რთული რელიეფური პირობების გამო დადგა საჭიროება შეეცვალათ საკარიერო მოპოვების წესი. Davax LLC-ის ურთულესი ტექნიკური დავალება „ქონსთრაქშენ მეშინერი ჯორჯიას“ გუნდმა სრულყოფილად დაამუშავა და კომპანიას წარუდგინა ევროპული პარტნიორის უნიკალური მოდელი, PR776 - LIEBHERR-ის საწარმოო ხაზში ყველაზე დიდი ბულდოზერი, საექსპლუატაციო წონით 75 ტონა და 22-კუბიანი ფრონტალური დანის მოცულობით.
ნიკა აბესაძე, Construction Machinery Georgia-ს კომერციული დირექტორი: „ეს არის უპრეცედენტო პროექტი როგორც თეგეტასთვის, ისე სომხური მხარისთვის, რადგან ასეთი კლასის ბულდოზერის რეალიზაციის პირველი შემთხვევაა ჩვენთვის და არც სომხური ბაზრისთვისაა ჩვეული პრაქტიკა.
ერთწლიანი მოლაპარაკებების წარმატებით დასრულება რამდენიმე ფაქტორმა განაპირობა. პირველ რიგში იმან, რომ სომხურმა მხარემ არჩევანი გააკეთა ხარისხიან შეთავაზებასა და მომსახურებაზე და ენდო ჰოლდინგის გამოცდილებას ამ მიმართულებით. ამ სფეროში გაყიდვების შემდგომი მომსახურება არის კრიტიკულად მნიშვნელოვანი. Construction Machinery Georgia-ს დიდი სასაწყობე მარაგი, მრავალპროფილური სერვისი და სპეციალისტების გუნდი კი კომპანიისთვის გარანტიაა წარმატებული საქმიანობისა. თავად LIEBHERR, როგორც პირველ სამეულში შემავალი ყველაზე დიდი მოთამაშე ამ ინდუსტრიაში, მისი ავტორიტეტი და ჩვენი ერთწლიანი დაუღალავი შრომა, დამკვეთის მოთხოვნის ზუსტად გაგება, გააზრება და სწორი პროდუქტის შეთავაზება გახდა, ასევე, შეთანხმების წარმატებით დაგვირგვინების მიზეზი“.
სომხური დეველოპერული კომპანია Davax LLC ფლობს სამთო მომპოვებელ კომბინატს, სადაც ღია წესით ხდება ინერტული და სამშენებლო მასალების მოპოვება/გადამუშავება. საკარიერო სამუშაოების მიღებული ოქროს სტანდარტი მისი რელიეფისა და გეოლოგიის კვლევის შემდეგ აფეთქებითი სამუშაოებია. აფეთქების შედეგად მიღებული მასის გადამუშავება ბევრად კომფორტული და მარტივი პროცედურაა, თუმცა სამთო მომპოვებელი კარიერის ლოკაცია, ერევნის შემოგარენში, დამატებით ბარიერი იყო შრომით უსაფრთხოებასა და ეკოლოგიაზე ზრუნვის თვალსაზრისით. მიღებული რეგულაციების გამო საკარიერო მოპოვების წესი შეიცვალა. სწორედ LIEBHERR-ის საწარმოო ხაზში ყველაზე დიდი ბულდოზერი აღმოჩნდა Davax LLC-ს ურთულესი ტექნიკური დავალებიდან გამოსავალი. ის სიმძლავრისა და წონის ხარჯზე ახერხებს ერთკბილიანი გამაფხვიერებლით სასარგებლო წიაღისეულის ზედა ფენის გაფხვიერებას და მიღებული მასის ტრანსპორტირებას ერთი ადგილიდან მეორეზე.
LIEBHERR-ის PR776 მოდელს კლასში მოწინავე ტექნოლოგია და ჰიდროსტატიკური ამძრაობა აძლევს დიდ უპირატესობას კონკურენტებთან მიმართებით. კლასიკური ტრანსმისიისგან განსხვავებით ის უზრუნველყოფს სიმძლავრის უწყვეტ და შეუფერხებელ გადაცემას ძრავიდან მუხლუხებამდე. მაღალტექნოლოგიური ჰიდრავლიკური სისტემა და საკუთარი წარმოების ძრავა კი ზრუნავს მაქსიმალური ეფექტის შექმნაზე როგორც საწვავის მოხმარების, ისე მაქსიმალური სიმძლავრის გამომუშავების კუთხით.
Davax LLC, რომელიც ათწლეულებია დეველოპერულ სფეროშია და სომხეთის ბაზარზე პოზიციონირდება, როგორც პრემიუმ მიმართულებით მშენებლობის ავტორი, ამჟამად ელიტარული უბნის მშენებლობით არის დაკავებული, რომელიც ერთ-ერთ ყველაზე წარმატებულ პრემიუმ კომპლექსად მიიჩნევა. საერთო მიდგომებიდან და ღირებულებებიდან გამომდინარე კი, სომხური კომპანია ქართულ მხარეს ამ სფეროში ერთ-ერთ ძირითად სტრატეგიულ პარტნიორად მოიაზრებს.
"თეგეტა ჰოლდინგის" შვილობილი კომპანია Construction Machinery Georgia საგზაო-სამშენებლო საერთაშორისო პრემიუმ ბრენდებს წარადგენს. კომპანია რეგიონის საჯარო და კერძო სექტორს ინფრასტრუქტურული და სამთო-მოპოვებითი პროექტებისთვის საჭირო ტექნიკით ამარაგებს. ბრენდებს შორისაა გერმანული LIEBHERR-ი, ფრანგული FAYAT GROUP-ის წევრი კომპანიები BOMAG-ი და MARINI.
პოლიტიკა
- იუსტიციის მინისტრის თანამდებობას პაატა სალია დაიკავებს
- რეგიონული განვითარების მინისტრის თანამდებობას გრიგოლ ლილუაშვილი დაიკავებს
- სახელმწიფო უსაფრთხოების სამსახურს ანრი ოხანაშვილი უხელმძღვანელებს
- დღეს ისევ საფრთხეშია სისხლით მოპოვებული თავისუფლება, ისევ ქართველი ხალხის ერთსულოვნების დროა, ჩვენ ვართ ერი, დაბადებული გამარჯვებისთვის და გარდაუვლად ასე იქნება - მამუკა ხაზარაძე
საზოგადოება
- გზა ფერადი, დამოუკიდებელი ცხოვრებისკენ - „თეგეტა ჰოლდინგი“ „აუტიზმის ეროვნული ცენტრის“ მხარდამჭერია
- ექიმების საერთაშორისო დღეს „ვოლვო ქარ საქართველომ“ სამედიცინო სფეროს წარმომადგენლებს ტრადიციულად უმასპინძლა
- განათლება ძალადობის წინააღმდეგ - „მირაბალდები“ Tegeta.care-ზე
- ჩემთვის, გიორგის და სხვა დაღუპული სამხედროების, პოლიციელების, სამოქალაქო პირების ტრაგიკულად შეწყვეტილ სიცოცხლეზე პასუხისმგებლი არის მხოლოდ რუსეთი - მაკა ჩიკვილაძე
სამართალი
- სამეგრელოს პოლიციამ განსაკუთრებით დიდი ოდენობით ნარკოტიკი ამოიღო - დაკავებულია ბელარუსის მოქალაქე
- შსს-მ ”ქურდულ სამყაროსთან” კავშირში მყოფი 7 პირი დააკავა
- მიხეილ სააკაშვილს საზღვრის უკანონო კვეთის საქმეზე 4 წლითა და 6 თვით პატიმრობა მიესაჯა, განაჩენთა ერთობლიობით კი სასჯელის ვადად 12 წელი და 6 თვე განესაზღვრა
- ანატოლი გიგაური მოსამართლემ კვლავ პატიმრობაში დატოვა
მსოფლიო
- რუსეთის ძალებმა ხარკოვზე მასირებული იერიში მიიტანეს, დაშავდა 8 ადამიანი
- სენატმა ნატო-ში აშშ-ის ელჩის თანამდებობაზე მეთიუ უიტაკერის კანდიდატურა დაამტკიცა
- დონალდ ტრამპის ადმინისტრაციაში ამბობენ, რომ უახლოეს თვეებში უკრაინაში ცეცხლის შეწყვეტა შეუძლებელი იქნება - Reuters
- ილონ მასკის კომპანია X, თურქი ოპოზიციონერების, ჟურნალისტებისა და სტუდენტების 700-ზე მეტი ანგარიშის დაბლოკვაზე უარს ამბობს
კონფლიქტები
- ოკუპირებულ აფხაზეთში ე.წ. პარლამენტიდან რუსეთთან „საინვესტიციო ხელშეკრულების“ ე.წ. კანონპროექტის გატანისთვის ემზადებიან
- რუსეთმა ოკუპირებულ აფხაზეთს დაფინანსება შეუჩერა
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
ბიზნესი
- „მოემზადე“ – „თეგეტა მოტორსის“ ახალი სეზონური კამპანია
- „თეგეტა მოტორსში“ ზეთის, აკუმულატორისა და საბურავის შეცვლა 20 წუთშია შესაძლებელი
- ახალი ბრენდები, თანამედროვე შოურუმები და გაყიდვების გაზრდილი მაჩვენებლები - როგორი იყო Tegeta Cars-ის 2024
- „თეგეტას“ თურქეთის საავტომობილო ინდუსტრიის ექსპორტიორთა ასოციაცია ეწვია
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- საქართველოს ნაკრები ერთა ლიგის პლეი ოფში სომხეთს შეხვდება
- საქართველოს ნაკრებმა ჩეხეთი დიდი ანგარიშით დაამარცხა
- საქართველოს ეროვნული ნაკრები ერთა ლიგის გათამაშებისთვის ემზადება
- თუშიშვილი ვერც გუნდურ შეჯიბრებაში მიიღებს მონაწილეობას, ქართველ ძიუდოისტს ეკრძალება სხვა ტურნირებზე გამოსვლაც, ვიდრე კომისია საბოლოო გადაწყვეტილებას მიიღებს