„მე ინგა ვარ გრიგოლია, მყავს შეყვარებული, მაქვს სექსი და ასე ვაპირებ ცხოვრების გაგრძელებას“ - გრიგოლია (ვიდეო)

„დღეს მორიგი ვიდეო გავრცელდა, რომელშიც სხვებთან ერთად, ჩემი პირადი ცხოვრების ამსახველი ფარული კადრების გასაჯაროებით დამემუქრნენ, თუ ქვეყანას არ დავტოვებ. მე ინგა ვარ, გრიგოლია - ქალი, შვილი, დედა და მეგობარი. მყავს არაჩვეულებრივი შეყვარებული, მაქვს სექსი და ასეც ვაპირებ, გავაგრძელო ჩემი ცხოვრება. ხოლო, თქვენ კი, ვინც ჩემი პირადი ცხოვრების გასაჯაროებით მემუქრებით და მოითხოვთ, რომ ქვეყანა დავტოვო, პირობას გაძლევთ, თავს შევაკლავ ჩემი და სხვა ადამიანების უფლებების დაცვას და ყველაფერს გავაკეთებ იმისთვის, რომ ციხეში მრავალი წლით აღმოჩნდეთ", – ამ სიტყვებით გახსნა დღევანდელი ეთერი ინგა გრიგოლიამ. ტელეწამყვანი იმ მუქარის შემცველ მესიჯს პასუხობს, რომელიც დღეს ვიდეოში მისი მისამართითაც გავრცელდა.