საქართველოში ევროკავშირის წევრი ქვეყნების ელჩები ერთობლივ ვიდეომიმართვას ავრცელებენ

საქართველო, თბილისი - 16:51 | 08.04.2024
ნანახია: 1169

საქართველოში ევროკავშირის წევრი ქვეყნების ელჩები ერთობლივ ვიდეომიმართვას ავრცელებენ, სადაც თითოეული ქვეყნის დიპლომატი საუბრობს, რას ნიშნავს ევროპული ოჯახის წევრობა.

„ეს არის შესაძლებლობები ახალი თაობებისთვის“, – უნგრეთის ელჩი;

„თავისუფალი, მშვიდობიანი, სოციალ-ეკონომიკური და გარემოსდაცვითი რეგულაციების სივრცე“, – გერმანელი დიპლომატი;

„სამუშაო ადგილები და შესაძლებლობები ყველასთვის, ეს იყო დემოკრატიის კონსოლიდაცია“, – ესპანეთის ელჩი;

„მშვიდობა, კეთილდღეობა და გავლენა“, – დანიელი დიპლომატი;

„ჩვენი მშპ 450 მილიარდი ევროთი გაიზარდა“, – პოლონეთის ელჩი;

„ჩვენ შევუერთდით ევროზონას და ამან მოგვცა ფინანსური სტაბილურობა“ – ესტონეთის წარმომადგენელი;

„ევროკავშირი წარმოადგენს მშვიდობის, ერთობლივი ზრდისა და საერთო უსაფრთხოების პროექტს“ – იტალიის ელჩი;

„შესაძლებლობა დავიცვათ ჩვენი უსაფრთხოება, თავისუფლება და ფასეულობები“ – საფრანგეთის ელჩი;

„ქვეყნის ყველა რეგიონში უპრეცედენტო განვითარებაა“ – რუმინეთის ელჩი;

„ევროკავშირის წევრობით ჩვენ ვაშენებთ წესებზე დამკვიდრებულ მსოფლიოს“, – ლატვიის ელჩი;

„ევროკავშირში შესვლა მნიშვნელოვანი წინგადადგმული ნაბიჯია ეკონომიკური და პოლიტიკური სტაბილურობისა და უსაფრთხოებისთვის“, – ჩეხეთის ელჩი;

„ევროკავშირის შიგნით თავისუფლად შეიძლება მოგზაურობა, მუშაობა, სწავლა კავშირის ნებისმიერ ქვეყანაში“ – სლოვაკი დიპლომატი;

 ჩვენ თავს უსაფრთხოდ ვგრძნობთ და ვხედავთ ეკონომიკურ და გეოპოლიტიკურ არჩევანის უპირატესობას“, – ლიეტუვის ელჩი;

ბოლოს კი ელჩი პაველ ჰერჩინსკი საქართველოს მოქალაქეებს ევროპის დღის აღსანიშნავად, 11 აპრილს ექსპო ჯორჯიაში ეპატიჟება.




არქივი

მოგვძებნე Facebook-ზე