როგორ შეიძლება კანონი იყოს ევროპული, რის მისაღებადაც საჯარო სექტორში დასაქმებულებს აიძულებენ გაავრცელონ ანტიდასავლური პროპაგანდა - ნინო ლომჯარია

საქართველო, თბილისი - 16:50 | 08.04.2024
ნანახია: 1175

კანონი რუსულია, რადგან მისი მიზანია ყველას მორალური და ფიზიკური განადგურება, ვინც ხელისუფლების კორუფციაზე ან დანაშაულებრივ ქმედებებზე საუბრობს , - ამის შესახებ სოციალურ ქსელში ყოფილი სახალხი დამცველი ნინო ლომჯარია წერს.

“კანონი რუსულია, რადგან მისი მიზანია ყველას მორალური და ფიზიკური განადგურება, ვინც ხელისუფლების კორუფციაზე ან დანაშაულებრივ ქმედებებზე საუბრობს;

- კანონი რუსულია, რადგან ის სტრატეგიულ პარტნიორებს აცხადებს ქვეყნის საფრთხედ, ხოლო მათ მხარდაჭერას ანტისახელმწიფოებრივად;

- კანონი რუსულია, რადგან ის არის რუსული ბარიერი, აღმართული ჩვენსა და ევროპას შორის;

როგორ შეიძლება კანონი იყოს ევროპული, რის მისაღებადაც:

- საჯარო სექტორში დასაქმებულებს აიძულებენ გაავრცელონ ანტიდასავლური პროპაგანდა;

- პროპაგანდისტულ მედიებს დავალებული აქვთ დანაშაული დააბრალონ და ცრუ ინფორმაცია გაუვრცელონ ღირსეულ ადამიანებს;

- მოქალაქეებს აქეზებენ სიძულვილისა და აგრესიისკენ;

კანონი რუსულია, რადგან გადაგდება და სიტყვის გატეხა რუსული ხელისუფლების სტილია და არა ქართული ღირებულება“, - წერს ნინო ლომჯარია.




არქივი

მოგვძებნე Facebook-ზე