ზრუნვის 1 საათი დედამიწას - „თეგეტა“ გარემოსდაცვით აქტივობას „დედამიწის საათს“ შეუერთდა
საქართველო, თბილისი - 17:28 | 25.03.2024 ნანახია: 5317
„თეგეტა ჰოლდინგი“ გლობალურ გარემოსდაცვით აქტივობას „დედამიწის საათს“ შეუერთდა, რომელიც წელს 23 მარტს აღინიშნა. მთელი საქართველოს მასშტაბით, ჰოლდინგის ფილიალებში 20:30-დან 21:30-მდე არასაჭირო ელექტროენერგია გაითიშა.
„დედამიწის საათი” მსოფლიოს უდიდესი გარემოსდაცვითი აქტივობაა, რომლის დროსაც მილიონობით ადამიანი ყოველ წელს ერთი საათით უარს ამბობს ელექტროენერგიის გამოყენებაზე, რითაც მხარს უჭერს დედამიწის მწვანე და უსაფრთხო მომავალს. „დედამიწის საათი“ პირველად 2007 წელს ავსტრალიაში ბუნების დაცვის მსოფლიო ფონდმა (WWF) აღნიშნა. სიდნეიში სინათლის ჩაქრობის სიმბოლური და ერთჯერადი ღონისძიების სახით წამოწყებულმა აქტივობამ ისეთი მასშტაბები შეიძინა, რომ მას მსოფლიოს უმსხვილესი კომპანიებიც შეუერთდნენ.
გლობალური ინიციატივა ყურადღებას ისეთ მნიშვნელოვან საკითხებზე ამახვილებს, როგორებიცაა კლიმატური ცვლილებები, გარემოს დაცვა და მდგრადი განვითარება, რაც სასიცოცხლოდ მნიშვნელოვანია პლანეტის გადასარჩენად. გასულ წელს, ამ ინიციატივის ფარგლებში, 190-ზე მეტ ქვეყანაში ადამიანებისა და პასუხისმგებლობიანი ინსტიტუტების გაერთიანებით პლანეტას 410,000 საათი ვაჩუქეთ.
თათია ხორბალაძე, „თეგეტა ჰოლდინგის“ სტრატეგიული კომუნიკაციების დეპარტამენტის ხელმძღვანელი: „დედამიწის საათის მთავარი მიზანი საზოგადოებისთვის გარემოს დაცვის მნიშვნელობის კიდევ ერთხელ შეხსენებაა. „თეგეტა“, როგორც მაღალი სოციალური პასუხისმგებლობის მქონე კომპანია, სიამოვნებით შეუერთდა ამ გლობალურ კამპანიას, რათა ჩვენი წვლილი შევიტანოთ ბუნებრივი რესურსების დაზოგვაში, რაც, ვფიქრობთ, ამ საუკუნის მთავარი გამოწვევაა. მთელი საქართველოს მასშტაბით, ჩვენს ფილიალებში არასაჭირო ელექტროენერგიის გამორთვით კიდევ ერთ ნაბიჯს გადავდგამთ პლანეტის უსაფრთხო მომავლისკენ. გლობალურ აქტივობაში ჩართულობის გარდა, გვქონდა საინფორმაციო კამპანიაც, რომლის ფარგლებშიც ჩვენს თანამშრომლებს მივაწოდეთ ინფორმაცია „დედამიწის საათის“ შესახებ და მოვუწოდეთ, საკუთარი საცხოვრებელი სახლებიდან ამ დღეს ერთი საათით უარი ეთქვათ არასაჭირო ელექტროენერგიაზე და ჩართულიყვნენ გარემოს დაცვით აქტივობაში. გვიხარია, რომ „თეგეტასა“ და მისი დიდი გუნდის ჩართულობით დედამიწას ზრუნვის ერთი საათი ვაჩუქეთ.“
გარემოს დაცვაზე ზრუნვა „თეგეტას“ კორპორაციული სოციალური პასუხისმგებლობის სტრატეგიის ნაწილია. კომპანია აქტიურად არის ჩართული გარემოს დაცვის სხვადასხვა ღონისძიებაში და ამ მიმართულებით არაერთი პროექტი აქვს განხორციელებული. აღსანიშნავია, რომ 2022 წელს ჰოლდინგს კიდევ ერთი შვილობილი ორგანიზაცია „თეგეტა გრინ პლანეტი“ შეემატა, რომელიც კომპანიის კორპორაციულ მომხმარებლებს შესაძლებლობას აძლევს, ნარჩენი ზეთები, აკუმულატორები და საბურავები კომპანიის შეგროვების პუნქტებში ჩააბარონ. ამის შემდეგ „თეგეტა გრინ პლანეტი“ უზრუნველყოფს სპეციფიკური ნარჩენების ტრანსპორტირებასა და ლიცენზირებულ გადამმუშავებელ კომპანიებში ჩაბარებას.
__
თეგეტა ჰოლდინგის შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით თეგეტას 28 სერვისცენტრი აქვს, ხოლო საერთაშორისო ვაჭრობას ჰოლდინგი ოთხ კონტინენტზე ახორციელებს. თეგეტა ექსკლუზიურად წარმოადგენს ცნობილ ბრენდებს Porsche, Volvo, Toyota, Mazda. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, Liebherr, BOMAG და სხვები. თეგეტა მსოფლიოს 300-ზე მეტი წამყვანი საავტომობილო ბრენდის უმსხვილესი იმპორტიორია საქართველოში. თეგეტა ჰოლდინგი, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.
პოლიტიკა
- ან „დიფ სთეითი“ გაანადგურებს ევროკავშირს, ან ევროკავშირი გამონახავს ძალას, რომ როგორმე თავი დააღწიოს „დიფ სთეითის“ გავლენას - „ქართული ოცნების“ პოლიტსაბჭო
- პუტინმა და ტრამპმა გადაწყვიტეს მსოფლიოს გავლენის სფეროებად დაყოფა, დაიწყეს უკრაინით - CNN
- დაუწესდეს სანქციები ბიძინა ივანიშვილის გარემოცვის წევრებს - ევროპარლამენტმა საქართველოს შესახებ რეზოლუცია დაამტკიცა
- უნდა შევქმნათ დოკუმენტი, რომელშიც 40-50 წლის შემდეგ ჩაიხედავენ და ეცოდინებათ, ვინ და როგორ მართავდა ქვეყანას 2003-2012 წლებში - წულუკიანი
საზოგადოება
- „თეგეტა“ Bridgestone-თან პარტნიორობას აფართოებს - კომპანია რეგიონში მსოფლიო ბრენდის ოფიციალური დისტრიბუტორი გახდა
- „თეგეტა ჰოლდინგი“ AmCham-ისა და MAC Georgia-ს სასტიპენდიო პროგრამას შეუერთდა
- "თეგეტა მოტორსში" ზამთრის საბურავებზე 30%-იანი ფასდაკლება და გასამმაგებული ქეშბექი მოქმედებს
- ლევან იოსელიანის სახლთან პოსტერები გააკრეს და დატოვეს წარწერები „რუსის მონა“, „რეჟიმის მცველი“
მსოფლიო
- მოლდოვამ კიშინიოვში რუსული კულტურის ცენტრი დახურა
- დონალდ ტრამპის განცხადებით, გააგრძელებს უკრაინის დახმარებას, რათა პუტინმა არ იფიქროს, რომ მან გაიმარჯვა
- მაკრონი ტრამპს მოუწოდებს, ევროპის მიმართ ტარიფების დაწესების მუქარის ნაცვლად, უკრაინაში ომის დასრულებაზე იფიქროს
- პენტაგონი განიხილავს ყველა შესაძლებლობას ღაზასთან დაკავშირებით, მზად ვართ, გავაგრძელოთ ისრაელისთვის იარაღის მიწოდება - პიტ ჰეგსეთი
კონფლიქტები
- ოკუპირებულ აფხაზეთში ე.წ. პარლამენტიდან რუსეთთან „საინვესტიციო ხელშეკრულების“ ე.წ. კანონპროექტის გატანისთვის ემზადებიან
- რუსეთმა ოკუპირებულ აფხაზეთს დაფინანსება შეუჩერა
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
ბიზნესი
- საბურავები, ზეთები, აკუმულატორები და ავტონაწილები - თებერვლის შეთავაზებები „თეგეტა მოტორსისგან“
- "Zeekr საქართველომ" ქართულ ბაზარს ახალი მოდელი - Zeekr 009 წარუდგინა
- Geely Coolray-ს გლობალური გაყიდვების რაოდენობამ მილიონს გადააჭარბა
- რეგიონული ჰაბი - „თეგეტას“ ახალი მასშტაბური სერვისცენტრი გეზის ტერიტორიაზე
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- საქართველოს ნაკრები ერთა ლიგის პლეი ოფში სომხეთს შეხვდება
- საქართველოს ნაკრებმა ჩეხეთი დიდი ანგარიშით დაამარცხა
- საქართველოს ეროვნული ნაკრები ერთა ლიგის გათამაშებისთვის ემზადება
- თუშიშვილი ვერც გუნდურ შეჯიბრებაში მიიღებს მონაწილეობას, ქართველ ძიუდოისტს ეკრძალება სხვა ტურნირებზე გამოსვლაც, ვიდრე კომისია საბოლოო გადაწყვეტილებას მიიღებს