ნათელაშვილი: მოვითხოვ საქართველოს მთავრობისგან, დღესვე მოითხოვოს გაეროს უშიშროების საბჭოს საგანგებო სხდომის მოწვევა

სოფელ ჯარიაშენთან მიმდინარე პროცესებით დაინტერესდა  საქართველოს ლეიბორისტული პარტიის თავმჯდომარე, შალვა ნათელაშვილი. მან ადგილზე ყოფნისას ხელისუფლებას მიმართა და გაერო-ს უშიშროების საბჭოს საგანგებო სხდომის მოწვევა მოსთხოვა.

“მოვითხოვ საქართველოს მთავრობისგან, დღესვე მოითხოვოს გაეროს უშიშროების საბჭოს საგანგებო სხდომის მოწვევა და რუსეთის მიმართ იმ სანქციების გატარება, რა სანქციებიც ტარდება ყირიმის ოკუპაციისათვის. საოკუპაციო ხაზი კი არ გადმოიწია, საქართველოს მინდორ-ველები და საქართველოს გულის დაჭრა და დაგლეჯვა ხორციელდება. საოკუპაციო ხაზი იოლად ნათქვამია,“ - განაცხადა ნათელაშვილმა.