გახარიები და "ლელო" რა დღეში არიან? მარგინალები და რადიკალები გახდნენ - ირაკლი ზარქუა

საქართველო, თბილისი - 16:20 | 08.02.2024
ნანახია: 1001

"კარენოი" ნაცები" ძალიან აკადემიურები ჩანან. ხმის ტონალობაშიც ეტყობათ. შესძლებიათ. ეს გახარიები და "ლელო" რა დღეში არიან? მარგინალები და რადიკალები გახდნენ, - ამის შესახებ რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილემ, ირაკლი ზარქუამ განაცხადა.

როგორც ზარქუამ აღნიშნა, გაუგებარია, როდესაც ოპოზიციის გარკვეულმა წარმომადგენლებმა არ გამოიყენეს შესაძლებლობა და პრემიერობის კანდიდატს შეკითხვები არ დაუსვეს.

"ბატონო ირაკლი, თქვენც შეამჩნევდით ალბათ ხომ, რომ "კარენოი" ნაცები ძალიან აკადემიურები ჩანან, ძალიან ისეთები გახდნენ და ხმის ტონალობაშიც ეტყობათ, რაღაც შესძლებიათ. ეს "გახარიები" და "ლელო" რა დღეში არიან, მარგინალები და რადიკალები გახდნენ, რასთან გვაქვს საქმე. გუშინ საერთოდ არ შემოვიდნენ დამწვარი მუსტანგის მიმდევრები. შესაძლებლობა გაქვს, რომ კითხვა დაუსვა პრემიერობის კანდიდატს და საერთოდ არ შემოვიდნენ.

პრინციპში "გახარიების" მესმის - გაიშიფრნენ, გაბრაზებულები არიან ამიტომ. სამეგრელოში მოატყუეს "ქართული ოცნების" მეორე პარტია ვართო და ამით მოატყუეს საზოგადოება, "ნაცები" ახლა უტყდებათ იმიტომ, რომ იციან, გაკოტრებულები არიან. აბა, რუსთავში ვინ შეუქმნა კოალიცია "ნაცებს" და სამეგრელოში.

მივმართავ ბატონ კირკიტაძეს, ის არის ძველი "ნაცი" და ნაღდი "ნაცი", მიიღეთ, გაშიფრულები არიან, ვერ გადალახავენ და გაგიჭირდებათ მერე, მიიღეთ თქვენს შემადგენლობაში "გახარიები" და "ლელოს" ვაცადოთ კიდევ მუსტანგით "კატაობა,“ - აცხადებს პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველი მოადგილე ირაკლი ზარქუა.


პოლიტიკა



არქივი

მოგვძებნე Facebook-ზე