„ნაციონალურმა მოძრაობამ“ ძალიან მარტივი გადაწყვეტილება მიიღო - არ შევდივართ სხდომაზე, ყველას მოვუწოდებთ, ნუ მიიღებენ მონაწილეობას ივანიშვილის თამაშებში - ლევან ხაბეიშვილი პრეზიდენტის იმპიჩმენტზე

„ნაციონალურმა  მოძრაობამ“ ძალიან მარტივი გადაწყვეტილება მიიღო  - საერთოდ არ შევდივართ სხდომაზე. ყველას მოვუწოდებთ, რომ არ შევიდნენ სხდომაზე და ნუ მიიღებენ მონაწილეობას ბიძინა ივანიშვილის თამაშებში,“- ამის შესახებ „ერთიანი ნაციონალური მოძრაობის“ თავმჯდომარემ ლევან ხაბეიშვილმა პრეზიდენტის იმპიჩმენტთან დაკავშირებით განაცხადა.

„არ დაგვავიწყდეს ის, რომ სალომე ზურაბიშვილი ლაზარე გრიგორიადისთან დაკავშირებით კონკრეტულ გადაწყვეტილებებს არ იღებს, პრეზიდენტ სააკაშვილთან დაკავშირებით, რომელიც უნდა მიიღოს უპირობოდ ზელენსკის, მაკრონის ევროსაბჭოს რეზოლუციების თანახმად.

„ეფესბეს“ აგენტურამ წარუდგინა ბრალი სააკაშვილს და სანქცირებულებმა გამოუტანეს განაჩენი, ამიტომ სალომე ზურაბიშვილის დამოუკიდებლობის ობიექტურად არ მჯერა და ვფიქრობ, რომ ეს პროცესი ბიძინა ივანიშვილის რუსული ინტერესების გამო მიმდინარეობს. ძალიან მარტივი გადაწყვეტილება მიიღო „ნაციონალურმა მოძრაობამ“, ვთქვით, რომ საერთოდ არ შევდივართ სხდომაზე, ყველას მოვუწოდებთ, რომ არ შევიდნენ სხდომაზე და ნუ მიიღებენ მონაწილეობას ბიძინა ივანიშვილის თამაშებში,“ - განაცხადა ლევან ხაბეიშვილმა.