რუსეთის მოსახლეობის ნახევარი მხარს უჭერდა ევგენი პრიგოჟინის ამბოხს - ვოლოდიმირ ზელენსკი

უკრაინის პრეზიდენტმა ვოლოდიმირ ზელენსკიმ CNN-თან ინტერვიუში განაცხადა, რომ რუსეთის მოსახლეობის ნახევარი მხარს უჭერდა ევგენი პრიგოჟინის ამბოხს. მისივე თქმით, ახლა ვლადიმირ პუტინი ყველაფერს აკეთებს, რათა ქვეყანაში თავისი ძალაუფლება გაიმყაროს.

ზელენსკის თქმით, უკრაინის დაზვერვის თანხამდ, კრემლმა სიტუაციის ანალიზის შედგად დაინახა, რომ „ვაგნერის“ ხემძღვანელს რუსეთის მოქალაქეების დიდი ნაწილი უჭერს მხარს, რომლებსაც ხელისუფლების ადეკვატურობაში ეჭვი ეპარებათ.

ამავე ინტერვიუში ზელენსკი შეეხო ზაპოროჟიეს ატომურ ელექტროსადგურზე არსებულ ვითარებას, რუსეთის სამხრეთ-დასავლეთ რეგიონების დაბომბვას და სხა თემებს.

მისი აზრით, ომის მსვლელობაში გარდამტეხი მომენტისთვის და თავისი მიზნების მიღწევისთვის, მოსკოვს შეუძლია გაუაზრებელი ქმდება ჩაიდინოს, მათ შორის მოაწყოს პროვოკაცია ზაპოროჟიეს ატომურ ელექტროსადგურზეც. მისი თქმით, ასეთი შემთხვევისთვის უკრაინის თავდაცვის სამინისტრომ მიიღო აუცილებელი ზომები. მან ასევე გაიხსენა, რომ რუსული მხარე ყოველმხრივ ცდილობს გაავრცელოს მოსაზრება, რომ დივერსიის საფრთხე კიევიდან მოდის.