ბათუმში ოშკის ქუჩის მოასფალტება მიმდინარეობს

ბათუმის ინფრასტრუქტურის სარეაბილიტაციო სამუშაოების ფარგლებში ოშკის ქუჩის მოასფალტება მიმდინარეობს. როგორც ბათუმის მერიაში განმარტავენ, დაგეგმილია 8 ერთეული გარეგანათების ბოძის დამონტაჟება და 215 მეტრზე სანიაღვრე არხის მოწყობა.
სამუშაოებს ტენდერში გამარჯვებული კომპანია ,,ზიმო7“ ასრულებს. მერიის ინფორმაციით, ქუჩის რეაბილიტაციისთვის ქალაქის ბიუჯეტიდან 122 179 ლარია გამოყოფილი.