კაშხლის განადგურება არის აღმაშფოთებელი ქმედება, რომელიც კიდევ ერთხელ ასახავს რუსეთის ომის სისასტიკეს უკრაინაში იენს სტოლტენბერგი

რუსეთის ძალების მიერ კახოვკის კაშხლის აფეთქებას, ნატო-ს გენერალური მდივანი იენს სტოლტენბერგი ეხმიანება.

„კახოვკის ჰიდროელექტროსადგურის განადგურება დღეს ათასობით მშვიდობიან მოსახლეს საფრთხის წინაშე აყენებს და გარემოს სერიოზულ ზიანს აყენებს. ეს არის აღმაშფოთებელი ქმედება, რომელიც კიდევ ერთხელ ასახავს რუსეთის ომის სისასტიკეს უკრაინაში“, – წერს სტოლტენბერგი.

რუსეთის საოკუპაციო ძალებმა დღეს დილით ააფეთქეს ხერსონის ოლქში მდებარე კახოვკის კაშხალი. ხერსონიდან მიმდინარეობს მოსახლეობის ევაკუაცია. რამდენიმე დასახლებული პუნქტი უკვე ნაწილობრივ ან მთლიანად დატბორილია.