ბიძინა ივანიშვილი უკრაინაში სისხლიანი ომის პარალელურად შოულობს ასეულობით მილიონს, ყველა არგუმენტი არსებობს მისი დასანქცირების - ლევან ხაბეიშვილი

ბიძინა ივანიშვილი უკრაინაში სისხლიანი ომის, ბავშვების ხოცვის, მშვიდობიანი მოსახლეობის მკვლელობის პარალელურად შოულობს ასეულობით მილიონს და შესაბამისად, ყველა არგუმენტი არსებობს იმის, რომ მოხდეს მისი დასანქცირება,  - ამის შესახებ განაცხადა „ერთიანი ნაციონალური მოძრაობის“ თავმჯდომარემ, ლევან ხაბეიშვილმა.

მისი თქმით, დარწმუნებულია, რომ ახლო მომავალში მოხდება ბიძინა ივანიშვილისა და მისი გარემოცვის დასანქცირება.

„სისხლიანი ომის პარალელურად, როცა უკრაინაში ხოცავენ ბავშვებს, მშვიდობიან მოსახლეობას, ამ ომით ყველაზე მეტად სარგებლობს რუსი ოლიგარქი ბიძინა ივანიშვილი და ასეულობით მილიონს გამოიმუშავებს. შავი ფულის ტრიალით საქართველოში, სანქცირებული ოქროს გადმოზიდვის, ასევე ე.წ სამხედრო ჩიპების მიწოდებით სავარაუდოდ კრემლისთვის ბიძინა ივანიშვილი სისხლიანი ომის პარალელურად, ბავშვების ხოცვის, მშვიდობიანი მოსახლეობის მკვლელობის პარალელურად შოულობს ძალიან ბევრ მილიონს და შესაბამისად ყველა არგუმენტი არსებობს იმის, რომ ბიძინა ივანიშვილი მოხდეს სანქცირებულთა სიაში და ჩვენ გვახსოვს მისი ევტუშენკოვთან საუბარი და მისი ავთენტურობა არ უარუყვია არავის. ამიტომ, მე დარწმუნებული ვარ, რომ ბიძინა  ივანიშვილს და მის გარემოცვას უახლოეს პერიოდში აუცილებლად დაუწესდებათ სანქციები, რადგან ზედაპირზეა ის ყველაფერი, რასაც აკეთებს ბიძინა ივანიშვილი - აფინანსებს უკრაინაში ბავშვების მკვლელობას, აფინანსებს პუტინის ომს და რაც მნიშვნელოვანია, აფინანსებს საქართველოს ოკუპაციას, საქართველოს ოკუპაცია გრძელდება, მავთულხლართების გაბმა გრძელდება, საქართველოს მოქალაქეების გატაცება გრძელდება და სწორედ ამაში იხდის ბიძინა ივანიშვილი ბევრ მილიონს და ამის პარალელურად დამატებით ის აკეთებს ასეულობით მილიონს. დარწმუნებული ვარ, რომ უახლოეს პერიოდში მოხდება ბიძინა ივანიშვილის და მისი კრიმინალური გარემოცვის დასანქცირება,“ - განაცხადა ლევან ხაბეიშვილმა.