საფრანგეთში, დემონსტრანტებსა და სამართალდამცველებს შორის შეტაკებისას 108 პოლიციელი დაშავდა, დაკავებულია 291 ადამიანი

საქართველო, თბილისი - 11:21 | 02.05.2023

ნანახია: 688

საფრანგეთში პრეზიდენტ ემანუელ მაკრონის საპენსიო რეფორმის საწინააღმდეგო დემონსტრაციებზე პირველ მაისს ასობით ათასი ადამიანი გამოვიდა. ხელისუფლების მონაცემებით, აქციების მონაწილეთა საერთო რაოდენობა ქვეყნის ტერიტორიაზე 782 000-ს შეადგენდა.

რამდენიმე ქალაქში დეონსტრაციები პოლიციასთან შეტაკებებში გადაიზარდა. სააგენტო dpa-ს ცნობით, ძალადობის ფაქტები დაფიქსირდა პარიზში, ლიონსა და ნანტში.

სააგენტო AFP-ს ინფორმაციით, პარიზში დემონსტრანტებმა პოლიციელებს „მოლოტოვის კოქტეილები“ ესროლეს, ჩაამტვრიეს ბანკებისა და უძრავი ქონების სააგენტოების ვიტრინები. სამართალდამცველებმა მათ წინააღმდეგ ცრემლსადენი გაზი და წყლის ჭავლი გამოიყენეს.

ხელისუფლების მონაცემებით, პარიზში ერთმა პოლიციელმა სახისა და ხელების ძლიერი დამწვრობა მიღო. საფრანგეთის დედაქალაქში სულ მცირე 46 ადამიანი დააკავეს.

ლიონში პროტესტანტებმა დაწვეს ავტომობილები, აქ პოლიციამ სულ მცირე 40 ადამიანი დააკავა. სამართალდამცველებმა დემონსტრანტების წინააღმდეგ ცრემლსადენი გაზი გამოიყენეს ნანტშიც.

საფრანგეთის შინაგან საქმეთა მინისტრის ჟერალდ დარმანენის განცხადებით, საერთო ჯამში პოლიციამ 291 დემონსტრანტი დააკავა, 108 პოლიციელი დაშავდა.