რუსეთი ევროპაში კრიტიკული ინფრასტრუქტურის წინააღმდეგ საბოტაჟის მოსაწყობად ემზადება

დანიის, ნორვეგიის, შვედეთისა და ფინეთის საზოგადოებრივი მაუწყებლების ერთობლივი გამოძიების თანახმად,  რუსეთის სადაზვერვო ხომალდები, სავარაუდოდ, ბალტიისა და ჩრდილოეთ ზღვებში კრიტიკული ინფრასტრუქტურის ობიექტების საბოტაჟის მოწყობის გეგმაზე მუშაობენ.

საზოგადოებრივი მაუწყებელებისა და ექსპერტების მონაცემებით, რუსეთი - დანიის, ნორვეგიის, ფინეთისა და შვედეთის გარშემო წყლებში ახორციელებს ენერგეტიკის ობიექტების რუკების შედგენას.

ჩრდილოეთის წყლებში უამრავი რუსული „ხომალდი-მოჩვენება“ დაცურავს გამორთული AIS -ის გადამცემებით, რომლებიც გემების გადაადგილებას იტყობინებიან. ჟურნალისტებმა შეიწავლეს მილიონობით AIS-ის სიგნალი, რომლებიც გაიგზავნა გემებით ღია მონაცემების მეშვეობით, რათა მოეძებნათ რუსული ხომალდები ცურვის საეჭვო სქემებით.

ერთ-ერთი ასეთია რუსეთის საზღვაო ფლოტის ხომალდი „ადმირალი ვლადმირისკი“, რომელიც თითქოს დაკავებულია საზღვაო კვლევებით, თუმცა ასევე გამოიყენება სადაზვერვო სამუშაოებისთვის.

მისი გადაადგილება შეიარაღებულ ადამიანებთან ერთად ჟურნალისტების კამერებმა დააფიქსირეს, რომლებმაც ხომალდთან მიცურვა მოახერხეს.

 „ხომალდის მარშრუტი მდებარეობდა არსებული და მომავალი ოფშორული ქარის ელექტროსადგურების ახლოს, სადაც ის რამდენიმე დღის განმავლობაში ჩერდებოდა... მზვერავებისა და ექსპერტების შეფასებით, „ადმირალ ვლადიმირსკის“ მისია ჩვენს წყლებში იყო დივერსიების მომზადება, რათა რუსეთს შესაძლებელობა მისცემოდა მოეხდინა ენერგომომარაგების პარალიზება, მათ შორის ჩრდილო-დასავლეთ ევროპაში“, - ნათქვამია გამოძიების მასალებში.

დასავლეთის დაზვერვის წყაროს თქმით, ეს რუსთის სამზადისის ნაწილია „ნატო-სთან დიდი ომისთვის“.

 შემოდგომაზე რუსული სამხედრო ხომალდი შენიშნეს საზღვაო ქარის ელექტროსადგურებისა და სხვა კრიტიკული ობიექტების სიახლოვეს ბელგიასთან და ნიდერლანდებთან. ექსპერტების აზრით, ამ მარშრუტის შესრულებისას „ადმირალ ვლადიმირისკის“ სავარაუდოდ, რუკაზე გადაჰქონდა ზღვის ფსკერზე და საზღვაო ქარის ელექტროსადგურებზე მოთავსებული ელექტროსადენები.

გამოძიების თანახმად, „ადმირალი ვლადიმირსკი“ ერთადერთი „ხომალდი-მოჩვენება არ არის. ჟურნალისტებმა აღმოაჩინეს 50 რუსული გემი, რომლებიც დაცურავდნენ საეჭვო მარშრუტებით. ექსპერტები ვარაუდობენ, რომ ყველა ეს ხომალდი ასრულებდა გარკვეულ მისიებს (საზღვაო ნაღმების განთავსება, რუკაზე მილსადენების, კავშირგაბმულობის სადენების გადატანა და სხვა).