რუსეთმა ბახმუტში დამატებითი ძალები გადაისროლა და გარკვეულ წარმატებებს მიაღწია - ბრიტანეთის დაზვერვა

რუსეთმა ბახმუტში დამატებითი ძალები გადაისროლა და საარტილერიო ცეცხლის გამოყენებით გარკვეულ წარმატებებს მიაღწია. ამის შესახებ ნათქვამია ბრიტანეთის დაზვრევის ინფორმაციაში.

ანგარიშის თანახმად, ბოლო დღეების განმავლობაში რუსეთის არმიამ აღადგინა ბახმუტისთვის ბძროლაში გარკვეული იმპულსი, მაშინ როდესაც მარტის ბოლოდან მათი წინსვლა ამ რაიონში მნიშვნელოვად შეჩერდა.

ბრიტანეთის დაზვერვის ცნობით, რუსეთმა მიღწია გარკვეულ წარმატებას და ახლა სავარაუდოდ, ქალაქის ცენტრისკენ წაიწია და დაიკავა მდინარე ბახმუტკის დასავლეთ ნაპირი. უკრაინის მომარაგების საკვანძო მარშრუტი ქალაქიდან დასავლეთით, სავარაუდოდ, სერიოზული საფრთხის ქვეშაა.

„რუსეთის რეგულარულმა ჯარმა, სავარაუდოდ, მათ შორის საჰაერო-სადესანტო ძალებმა ეს რაიონი გააძლიერეს და რუსეთი ისევ უფრო ეფექტურად იყენებს არტილერიას ამ სექტორში. არსებობს რეალური შესაძლებლობა, რომ ადგილობრივ დონეზე „ვაგნერისა“ და რუსეთის თავდაცვის სამინისტროს მეთაურებმა შეწყვიტონ ურთიერთმტრობა და გააუმჯობესონ თანამშრომლობა“, - ნათქვამია ბრიტანეთის დაზვერვის ანგარიშში.